الماتىدا 1600-دەن استام وقۋشىلار جاس قۇتقارۋشىلار جاساعىنىڭ جارىسىنا قاتىستى
27 مامىردا «مەدەۋ» تۋريستىك بازاسىندا قالانىڭ 16 جالپى ءبىلىم بەرەتىن مەكتەپتەرى مەن ليسەيلەرىنىڭ 9-10 سىنىپ وقۋشىلارى اراسىندا «جاس قۇتقارۋشى» XVI سلەتىنىڭ قاتىسۋشىلار اراسىندا فينالدىق جارىستار وتكىزىلدى، دەپ حابارلايدى اlmaty-akshamy.kz.
فينالدىق جارىسقا جاس قۇتقارۋشىلاردىڭ اۋداندىق جاساعىنىڭ ۇزدىك جەڭىمپاز كوماندالارى ىرىكتەلدى. ۇلدار مەن قىزدار داعدىلار مەن توتەنشە جاعدايلاردا ارەكەت ەتۋ ءمىنسىز قابىلەتتەرىن كورسەتتى، سونداي-اق كۇشتىك جاتتىعۋلاردى دا ءساتتى ورىندادى.
ءداستۇرلى تۇردە وتكىزەتىن ءىس-شارانىڭ اۋداندىق جانە قالالىق جارىستارىنا قالانىڭ جالپى ءبىلىم بەرەتىن مەكتەپتەرى مەن ليسەيلەرىنەن 1600-دەن استام وقۋشى تارتىلعان. سپورتتىق ءىس-شارا تج دەپارتامەنتى ءبىلىم باسقارماسىمەن بىرلەسىپ، «الماتى قالاسىنىڭ قۇتقارۋ قىزمەتى» قولداۋىمەن وتكىزىلدى .
جاس قۇتقارۋشى بىرنەشە كەزەڭنەن تۇرادى: ءورت ءسوندىرۋ جابدىعىن جاۋىنگەرلىك ورىستەتۋ، زارداپ شەككەن ادامعا العاشقى مەديسينالىق كومەك كورسەتۋ جانە تاسىمالداۋ، اسپالى وتكەل، ەكى تاقتانى پايدالانا وتىرىپ وتكەلدەن ءوتۋ جانە ت.ب.
جارىستاردى وتكىزۋ تاجىريبەسى قاتىسۋشىلاردىڭ تج (جەر سىلكىنىسى ، ءورت جانە ت.ب.) كەزىندە قالاي دۇرىس ارەكەت ەتۋ كەرەكتىگى تۋرالى پراكتيكالىق ءبىلىم الاتىندىعىن، فيزيكالىق جانە پسيحولوگيالىق دايىندىق الاتىندىعىن جانە حالىقتى قورعاۋدى وقىتۋداعى ەڭ ءتيىمدى ەلەمەنتتەردىڭ ءبىرى بولىپ تابىلاتىنىن كورسەتەدى.
«تانىستىرۋ- ۆيزيت كارتوچكاسى» اتتى ءبىرىنشى كەزەڭدە ءوز شىعارماشىلىق پرەزەنتاسيالىق بايانداماسىندا بوستاندىق اۋدانىنىڭ № 189 جانە № 51 مەكتەپتەرىنىڭ جاس قۇتقارۋشىلارى تاماشا ونەر كورسەتىپ جانە جەتىسۋ اۋدانىنداعى № 43 مەكتەبى ۇزدىك اتاپ ءوتىلدى.
«جاس قۇتقارۋشى» بايقاۋىنىڭ قورىتىندىسى بويىنشا جالپى كوماندالىق ەسەپتە كەلەسى جەڭىمپازدار انىقتالدى:
1-ورىندى ناۋرىزباي اۋدانىنىڭ № 157 جالپى ءبىلىم بەرەتىن مەكتەبى يەلەندى؛
2-ورىندا - مەدەۋ اۋدانىنىڭ № 47 جالپى ءبىلىم بەرەتىن مەكتەبى؛
3-ورىن تۇركسىب اۋدانى № 59 مەكتەپ كومانداسىنىڭ قورجىنىنا ءتۇستى.
ناۋرىزباي اۋدانىنىڭ № 157 جببم كوماندا كاپيتانى ءداۋىرقوجا مەيىرجان : «تاماشا وتكىزىلگەن ۋاقىت ءۇشىن سىنىپ جارىستارىنا راحمەت، ءقازىر ءبىزدىڭ الدىمىزدا رەسپۋبليكالىق جارىستاردا جەڭىسكە جەتۋ مىندەتى تۇر»، - دەپ اتاپ ءوتتى.
«جاس قۇتقارۋشى» - بۇل دەنساۋلىق، ءبىلىم، ونەر جانە دوستىق مەيرامى»، - دەپ الماتى قالاسىنىڭ ءبىلىم باسقارماسى جاس جورىقشىلار ورتالىعىنىڭ ديرەكتورى يگانبەردييەۆ رينات راۆيليەۆيچ راستادى. الماتى قالاسى ءبىلىم باسقارماسىنىڭ وكىلى العىس ءبىلدىرىپ، بەلسەندى وقۋشىلاردى جاس قۇتقارۋشىلاردى قاتارىنا شاقىرىپ، ەستەلىك سىيلىقتار تابىس ەتتى.
جارىس قورىتىندىسى بويىنشا سالتاناتتى تۇردە گراموتالار مەن كۋبوكتار تابىس ەتىلدى. بالالار دالا اسحاناسىنان تاتتى-دامدىلەر، مەرەكەلىك استان ءدام تاتتى.
ايتا كەتۋ كەرەك، «جاس قۇتقارۋشى» ۇيىرمەلەرى سالاۋاتتى ءومىر سالتىن ناسيحاتتاۋ، تاربيەلەۋ، قىسىلتاياڭ جاعدايلاردا دۇرىس ارەكەت ەتۋ داعدىلارىن قالىپتاستىرۋ ماقساتىندا قۇرىلادى.
ەندى قالالىق جارىستاردىڭ جەڭىمپازدارى اعىمداعى جىلدىڭ ماۋسىم-شىلدە ايلارىندا كوكشەتاۋ قالاسىنداعى رەسپۋبليكالىق جارىستا باعىن سىنايتىن بولادى.