زاڭ جوباسى ماقۇلداندى.
الداعى ەكى جىلدا كەپىلدەندىرىلگەن ترانسفەرت مولشەرىن 2 ترلن تەڭگەگە تومەندەتۋ كوزدەلگەن، دەپ حابارلايدى Almaty-akshamy.kz
ۇلتتىق قوردىڭ قارجىسىن ۇنەمدەيتىن زاڭ جوباسى ماقۇلداندى
ۇلتتىق ەكونوميكا ءمينيسترى الىبەك قۋانتىروۆ «2024-2026 جىلدارعا ارنالعان كەپىلدەندىرىلگەن ترانسفەرت تۋرالى زاڭ جوباسى بويىنشا ءماجىلىستىڭ جالپى وتىرىسىندا بايانداما جاسادى.
«بۇگىن قاراۋ ءۇشiن «قازاقستان رەسپۋبليكاسىنىڭ ۇلتتىق قورىنان 2024-2026 جىلدارعا ارنالعان كەپىلدەندىرىلگەن ترانسفەرت تۋرالى» زاڭ جوباسى ەنگىزىلەدى. زاڭ جوباسىنىڭ ەرەجەلەرى ۇلتتىق قوردىڭ جيناق فۋنكسياسىن قامتاماسىز ەتۋ جونىندەگى بيۋدجەت كودەكسىنىڭ تالاپتارىن ەسكەرە وتىرىپ ايقىندالعان. بۇل رەتتە ۇكىمەت كەپىلدەندىرىلگەن ترانسفەرتتىڭ مولشەرىن ەكىنشى جىل بيۋدجەتتىك قاعيدالاردى قولدانا وتىرىپ انىقتاۋدا. بۇل قاعيدالار ۇلتتىق قور قاراجاتىنىڭ ساقتالۋىن قامتاماسىز ەتۋگە جانە ونىڭ ۆاليۋتالىق اكتيۆتەرىن 2030 جىلعا قاراي 100 ملرد اقش دوللارىنا دەيىن جەتكىزۋگە ىقپال ەتەدى»، - دەدى ول.
مينيستر اتاعانداي، زاڭ جوباسىندا مۇنايدىڭ كەسىمدى باعاسى 2024 جىلى باررەلىنە 43،4 اقش دوللارى، 2025-2026 جىلدارى باررەلىنە 40،2-41،8 اقش دوللارى دەڭگەيىندە بەلگىلەنگەن.
«وسىنى ەسكەرە وتىرىپ، ۇلتتىق قوردان كەپىلدەندىرىلگەن ترانسفەرتتىڭ مولشەرى 2023 جىلى 2،2 ترلن تەڭگەدەن 2024-2026 جىلدارى جىل سايىن 2 ترلن تەڭگەگە دەيىن تومەندەۋمەن ايقىندالدى. جوسپارلى كەزەڭدە ۇلتتىق قوردىڭ ۆاليۋتالىق اكتيۆتەرى 2024 جىلى 68 ملرد اقش دوللارىنا دەيىن قالپىنا كەلتىرىلىپ، ودان ءارى 2025-2026 جىلدارى 80،7 – 93،3 ملرد اقش دوللارىنا دەيىن وسەدى دەپ بولجانادى. جالپى ۇلتتىق قوردى ورتا جانە ۇزاق مەرزىمدى پەرسپەكتيۆادا قالىپتاستىرۋ جانە پايدالانۋ ساياساتى ۇلتتىق قوردىڭ قاراجاتىن بولاشاق ۇرپاق ءۇشىن ساقتاۋعا باعىتتالعان»، - دەدى ول.