كينو حالىق قاھارمانى عازيز بايتاسوۆتىڭ ەرلىگى جايىندا بولماق.
بۇل تۋرالى كينوستۋديانىڭ ماۋسىماشارىندا بەلگىلى بولدى. شارا شاكەن ايمانوۆتىڭ 110 جىلدىعىنا وراي بيىل ءبىرىنشى رەت ۇيىمداستىرىلدى، دەپ حابارلايدى Almaty-akshamy.kz 24.kz-كە سىلتەمە جاساپ.
سونداي-اق وسى جىلى «شىرماۋىق» جانە «سوڭعى پارىز» كارتينالارى قولعا الىنادى. «زدراۆستۆۋي، دوبرىي چەلوۆەك» دەرەكتى ءفيلمى دە تاسپالانادى. بۇل تۋىندىلار ۇلتتىق كينونى قولداۋ مەملەكەتتىك ورتالىعىنىڭ كومەگىمەن تۇسىرىلەدى. ينۆەستورلاردىڭ قارجىسىنا «جابايى»، «بولماعان بالالىق شاق» سىندى بەس ءفيلمدى جارىققا شىعارۋ جوسپارلاپ وتىر.
«جىل سايىن وسى كۇنى ماۋسىماشار جاساساق دەگەن ويىمىز بار. سونى داستۇرگە ەنگىزگىمىز كەلەدى. سول ءۇشىن بۇگىن باستاپ وتىرمىز. ماقسات جاي عانا داتانى اتاپ ءوتۋ ەمەس. كورەرمەن بىزدەن نە كۇتەدى، قانداي كينولار بولاشاقتا تۇسىرىلەدى، قانداي جوبالار بولادى؟ سونىڭ بارلىعىن كورەرمەن ءقازىر ءبىلىپ وتىرۋى ءۇشىن ءبىز ارنايى وسىنداي ماۋسىماشار جاساپ وتىرمىز»، - دەيدى ش. ايمانوۆ اتىنداعى "قازاقفيلم" ۇلتتىق كينوستۋدياسىنىڭ پرەزيدەنتى ازامات ساتىبالدى.