«مەكتەپ اۆتوبۋسى» جوباسى اياسىندا الماتىدا كۇن سايىن 8 مىڭنان استام وقۋشى مەكتەپكە قاتىناي الادى
ءۇش كۇننەن بەرى الماتىدا 100 جاڭا مەكتەپ اۆتوبۋسى ءجۇرىپ جاتىر. اۆتوبۋستار قالاداعى 30 مەكتەپكە كۇنىنە 8258 وقۋشىنى تاسىمالدايدى. «مەكتەپ اۆتوبۋسى» پيلوتتىق جوباسى الماتى قالاسىنىڭ اكىمى ەربولات دوسايەۆتىڭ تاپسىرماسىمەن جۇزەگە اسىرىلدى جانە قازاقستانداعى مۇنداي اۋقىمدى جوبانىڭ العاشقىسى. جوبانى جۇزەگە اسىرۋ اياسىندا «الماتىەلەكتروترانس» ج ش س الماتى قالاسى ءبىلىم باسقارماسىنىڭ كومەگىمەن 100 مەكتەپ اۆتوبۋسى (ونىڭ ىشىندە 50ء-ى 21 ورىندىق جانە 40 ورىندىق 50 اۆتوبۋس) ساتىپ الدى. اۆتوبۋستار كىشكەنتاي جانە مەكتەپتەن شالعاي تۇراتىن وقۋشىلاردى تاسىمالدايدى.
مىسالى، №210 مەكتەپ-ليسەيىنە ىقشاماۋداننان 222 بالا تاسىمالدانادى. «بايبەسىك» جانە «ۇلجان-2» ىقشاماۋدانىنان 148 بالا، №200 مەكتەپ-گيمنازياسىنا اباي ساياجايىنان 241 وقۋشىنى تاسىمالدايدى. №162 مەكتەپ-گيمنازياسىنا 175 بالانى «جاس قانات» ىقشاماۋدانىنان، ال №183 جالپى ءبىلىم بەرەتىن مەكتەپكە مەكتەپ اۆتوبۋسى ساياجاي الابىنان جانە «اسقارتاۋ» ىقشاماۋدانىنان 76 وقۋشىنى الىپ كەلەدى.
مەكتەپ اۆتوبۋستارى بارلىق حالىقارالىق قاۋىپسىزدىك ستاندارتتارى مەن تەحنيكالىق تالاپتارعا سايكەس كەلەدى: اپاتتىق شىعۋ، قاۋىپسىزدىك بەلدىكتەرى، مۇمكىندىگى شەكتەۋلى بالالارعا ارنالعان پاندۋس، ءورت قاۋىپسىزدىگى جۇيەسى. الماتى قالاسى اكىمىنىڭ ورىنباسارى اسەم ءنۇسىپوۆا اتاپ وتكەندەي، ءار مەكتەپ بويىنشا مارشرۋتتىق پاراقتار ازىرلەندى. بۇل مەكتەپكە دەيىن جەتكىزۋدى قاجەت ەتەتىن بارلىق بالانى قامتۋ ءۇشىن جاسالادى. «مەكتەپ اۆتوبۋسى» جوباسىنىڭ ەكىنشى كەزەڭىن ىسكە اسىرۋ ءۇشىن الماتى قالاسى قالالىق موبيلدىلىك باسقارماسى 2024 جىلى قالا مەكتەپتەرى ءۇشىن قوسىمشا 50 اۆتوبۋس ساتىپ الۋدى جوسپارلاپ وتىر.
«بۇگىنگى تاڭدا بالالاردى وتىرعىزۋ جانە ءتۇسىرۋ ءۇشىن ارنايى ايالدامالار بار. سول باعىت بويىنشا وقۋشىلارمەن بىرگە ارنايى مۇعالىمدەر دە ەرىپ جۇرەدى. جوبانى ودان ءارى كەڭەيتۋدىڭ ارقاسىندا 12500 بالا قامتىلادى. ءبىزدىڭ باعالاۋىمىزشا، ءدال وسى 1-11 سىنىپقا دەيىنگى بالالارعا مەكتەپكە قاتىناۋ ءۇشىن مەكتەپ اۆتوبۋستارى قاجەت»،-دەدى ول.
الماتى قالاسى ءبىلىم باسقارماسىنىڭ باسشىسى ءلاززات جىلقىبايەۆانىڭ ايتۋىنشا، ءقازىر 30 مەكتەپتىڭ بارلىعىندا وقۋشىلاردى تاسىمالداۋعا كەلىسىم-شارت جاسالعان. بۇل ءۇشىن بيۋدجەتتەن 1،4 ملرد تەڭگە قاراستىرىلعان.
«1 قىركۇيەكتەن باستاپ بارلىق اۆتوبۋس ءتيىستى قاۋىپسىزدىك شارالارىن ساقتاي وتىرىپ، بەكىتىلگەن مارشرۋتتار بويىنشا بالالاردى تاسىمالدايدى. «مەكتەپ اۆتوبۋسى» جوباسىن جۇزەگە اسىرۋ وقۋشىلاردىڭ قاۋىپسىزدىگىن قامتاماسىز ەتەدى»، - دەدى ءلاززات اۋەسحان قىزى.
