جىل سايىن 19 قاڭتاردا ەلىمىزدەگى پراۆوسلاۆتىق ءدىندار ازاماتتار «قۇدايعا شوقىنۋ» نەمەسە «كرەششەنيە گوسپودنە» ءدىني مەرەكەسىن اتاپ وتەدى
بۇل مەرەكە بارىسىندا ارنايى ازىرلەنگەن ورىنداردا ازاماتتار سۋعا شومىلۋ راسىمىنە قاتىسادى، دەپ حابارلايدى Almaty-akshamy.kz
الايدا، اعىمداعى جىلى ەلىمىزدەگى ەنگىزىلگەن توتەنشە جاعداي رەجيمىنە جانە ەپيدەميولوگيالىق احۋالدىڭ كۇردەلەنۋىنە بايلانىستى الماتى قالاسىندا اتالعان مەرەكە بارىسىندا سۋعا شومىلۋ ءراسىمى وتكىزىلمەيدى.
ۆوزنەسەندىك كافەدرالدىق سوبوردىڭ كليۋچارى الەكساندر سۋۆوروۆتىڭ سوزىنە سايكەس، اعىمداعى جىلعى 19 قاڭتاردان باستاپ «شومىلۋ ءراسىمىنىڭ» ورنىنا قالا اۋماعىنداعى پراۆوسلاۆتىق شىركەۋلەردە «قاسيەتتى سۋ» تاراتىلاتىن بولادى.
سونداي-اق، قالانىڭ باس سانيتارلىق دارىگەرىنىڭ قاۋلىسىنا سايكەس، مەرەكەلىك قۇلشىلىق راسىمدەرى دە جابىق تۇردە وتەتىن بولادى.
ءوز كەزەگىندە ازاماتتاردىڭ قاۋىپسىزدىكتەرىن قامتاماسىز ەتۋ ماقساتىندا توتەنشە جاعداي دەپارتامەنتى مەن پوليسيا دەپارتامەنتى قىزمەتكەرلەرىنىڭ جانە "جەدەل جاردەم" قىزمەتتەرىنىڭ كەزەكشىلىگى ۇيىمداستىرىلادى.
سونىمەن قاتار، الماتى قالاسى ءدىن ىستەرى جونىندەگى باسقارماسىنىڭ قىزمەتكەرلەرى تاراپىنان دا بارلىق حرامداردا كەزەكشىلىك ۇيىمداستىرىلىپ، سانيتارلىق تالاپتاردىڭ ساقتالۋلارى جونىندە ءتۇسىندىرۋ جۇمىستارى جۇرگىزىلەتىن بولادى.