ەل پرەمەر-مينيسترى اسقار ءماميننىڭ توراعالىعىمەن وتكەن ۇكىمەت وتىرىسىندا ۇكىمەتتىڭ زاڭ جوبالاۋ جۇمىستارىنىڭ 2021 جىلعا ارنالعان جوسپارىنىڭ ورىندالۋ بارىسى جانە 2022 جىلعا ارنالعان جوسپار جوباسى قارالدى
ادىلەت ءمينيسترى مارات بەكەتايەۆ بايانداما جاسادى، ول 2021 جىلى ۇكىمەت 25 زاڭ جوباسىن ازىرلەگەنىن، ونىڭ 5-ەۋىنە مەملەكەت باسشىسى قول قويعانىن، 1-ەۋىن پارلامەنت قابىلداعانىن، 18ء-ى پارلامەنت قاراۋىندا جاتقانىن، 1-ەۋى وسى جىلدىڭ سوڭىنا دەيىن پارلامەنتكە ەنگىزىلەتىنىن مالىمدەدى، دەپ حابارلايدى Almaty-akshamy.kz
2022 جىلعا ارنالعان جوسپار جوباسىندا 26 زاڭ جوباسىن ازىرلەۋ كوزدەلگەن، ونىڭ 16-سى مەملەكەت باسشىسىنىڭ تاپسىرمالارىن ورىنداۋعا قاتىستى. ءبىرىنشى جارتىجىلدىقتا 7 زاڭ جوباسىن، ەكىنشى جارتىجىلدىقتا 19 زاڭ جوباسىن ازىرلەۋ جوسپارلانۋدا.
كەلەسى جىلى «ق ر الەۋمەتتىك كودەكسى» جوباسى، جەرگىلىكتى ءوزىن-وزى باسقارۋ، كاسىپتىك بىلىكتىلىكتەر، اگلومەراسيالاردى دامىتۋ، جىلۋ ەنەرگەتيكاسى تۋرالى زاڭ جوبالارى جانە ت.ب. ازىرلەنەدى.
پرەمەر-مينيستر مەملەكەتتىك ورگانداردىڭ ءبىرىنشى باسشىلارىنا زاڭ جوبالارىنىڭ ساپالى ازىرلەنىپ، ۇكىمەت پەن پارلامەنتكە ۋاقتىلى ەنگىزىلۋىن قاتاڭ باقىلاۋدى تاپسىردى.