الاياق ازاماتتاردى الەۋمەتتىك جەلىدەگى ءتۇرلى-تۇستى جارنامالاردىڭ قاقپانىنا تۇسىرگەن
الماتىلىقتار جيھاز جاساۋشىنىڭ ۇستىنەن شاعىم ءتۇسىردى، دەپ حابارلايدى Almaty-akshamy.kz Polisia.kz-كە سىلتەمە جاساپ. ماسەلە كورپۋستىق جانە جۇمساق جيھازدار شىعارۋ بويىنشا جك باسشىسى – 27 جاستاعى ي.ەسىمدى ەر ادام جايىندا بولىپ وتىر.
«جابىرلەنۋشىلەردىڭ ۇجىمدىق ءوتىنىشى نەگىزىندە ءبىزدىڭ بولىمشە ق ر قك-نىڭ 190-بابى 3-بولىگى (ەكى نەمەسە ودان دا كوپ ادامعا بىرنەشە رەت جاسالعان الاياقتىق) بويىنشا قىلمىستىق ءىس ستبت-نە تىركەلدى. الماتى وبلىسىنىڭ تۋماسى الەۋمەتتىك جەلىدە پاراقشا اشىپ، جيھاز جاساۋ بويىنشا قىزمەت كورسەتۋ تۋرالى حابارلاندىرۋ جاريالاعانى انىقتالدى. ودان ءارى كليەنت جەكە كاسىپكەرمەن كەلىسىم جاساسىپ، تاپسىرىستىڭ جالپى قۇنىنىڭ 70 پايىزىن تولەدى. ارىزدانۋشىلاردىڭ ايتۋىنشا، اتالعان فيرمانىڭ وكىلى سەنىمگە قيانات جاساۋ ارقىلى ولاردى الداعان. قىزمەت كورسەتۋ بويىنشا جاسالعان كەلىسىمشارتتا ول تاپسىرىس بەرگەن جيھازدى 14 كۇن ىشىندە دايىنداۋعا مىندەتتەندى. الايدا قاراجاتتى العاننان كەيىن ول كەلىسىمشارت بويىنشا مىندەتتەمەلەرىن ورىنداۋدى كوزدەگەن جوق. الدانعان ازاماتتاردىڭ الەۋمەتتىك جەلىدەگى ءتۇرلى-تۇستى جارنامالاردىڭ قاقپانىنا تۇسكەنى انىقتالدى. ولاردىڭ كەيبىرەۋلەرى جاڭا جيھاز الۋ ءۇشىن نەسيە راسىمدەگەن»، – دەيدى المالى اۋداندىق پوليسيا باسقارماسىنىڭ باستىعى ەسەن ىسقاقوۆ.
تەرگەۋدىڭ وسى كەزەڭىندە ي.ەسىمدى ازامات 8 ەپيزودتى جاساعانى ءۇشىن سوتتالدى. سوڭعى “مامىلە” 10 قازاندا تىركەلدى. وسى ورايدا اتالعان جەكە كاسىپكەردىڭ الاياقتىق ارەكەتىنەن زارداپ شەككەن وزگە دە جابىرلەنۋشىلەردى انىقتاۋ شارالارى جۇرگىزىلۋدە.
زارداپ شەككەن ازاماتتاردى مىنا تەلەفوندار ارقىلى حابارلاسا الادى: +7 (777) 811-97-79، +7 (778) 777-29-56، +7 (747) 333-03-20، +7 ( 708) 804 -17-55 جانە +7 (701) 299-52-01