توققا تۇسكەن وقۋشىلاردىڭ ءبىرى وقيعا ورنىندا جان تاپسىردى
بۇل وقيعا كەشە الماتى-1 ستانسياسىنداعى تەمىرجولدا بولعان. قايعىلى وقيعاعا قاتىستى جەلىلىك پوليسيا باسقارماسى قىلمىستىق ءىس قوزعادى، دەپ حابارلايدى Almaty-akshamy.kz 24.kz-كە سىلتەمە جاساپ.
كەشە تۇستەن كەيىن 8-سىنىپتا وقيتىن الماتىلىق وقۋشىلار جوعارى كەرنەۋلى توققا تۇسكەن. بىرەۋى سول جەردە قازا تاپسا، ەكىنشىسى اۋرۋحاناعا جەتكىزىلگەن. وسى جاعدايعا بايلانىستى قىلمىستىق كودەكستىڭ 344-بابى 2-بولىگى، ياعني تەمiرجول ءجۇرىسى نەمەسە ولاردى پايدالانۋ قاۋiپسiزدiگi قاعيدالارىن بۇزۋ بويىنشا تەرگەۋ جۇرەدى.
قازاقستان تەمىر جولى كومپانياسى تاراتقان اقپاراتقا سايكەس، جەتكىنشەكتەر الماتى ستانسياسىنداعى قابىلداۋ-جونەلتۋ پاركىندە سەلفي جاساماقشى بولعان. قالالىق قوعامدىق دەنساۋلىق باسقارماسى باسپا ءسوز قىزمەتىنىڭ حابارلاۋىنشا، ەكىنشى ءجاسوسپىرىم كەشەدەن بەرى جانساقتاۋ بولىمىندە جاتىر. ونىڭ جاعدايى تۇراقتى اۋىر حالدە.