تالپىنعان جەتەر ماقساتقا
الەمگە ايگىلى بوكسشى مۇحاممەد ءالي «چەمپيون جاتتىعۋ زالدارىندا پايدا بولمايدى. ادامنىڭ ىشىندەگى قۇلشىنىس، ارمان، ماقسات چەمپيوندى تۋدىرادى» دەەپتى. وسى ءسوزدى جەرلەسىمىز، بۇگىندى تالاي بيىكتى باعىندىرىپ جۇرگەن، قازاق بوكسشىسى جانىبەك ءالىمحانۇلىنداي وعلاندارعا قاراتا ايتقان سياقتى. قازىرگى تاڭدا اقش ونەر كورسەتىپ ءجۇر. ءتورت جىلدىقتىق باستى باسەكەسىنە دە قاتىناستى. وليمپيادادا ءوزىن جاقسى قىرىنان كورسەتتى. بۇنىمەن توقتاپ قالماي، كاسىپقوي بوكسقا اۋىستى. مۇحيت استى. كوپشىلىك ارماندايتىن، كوپ جاننىڭ قولى جەتپەيتىن امەريكاعا باردى. بۇگىندەرى سوندا ونەر كورسەتۋدە. باستىسى كۇللى دۇنيەگە قازاق اتىن پاش ەتىپ Qazaq Style قالىپتاستىردى.
جاسىڭدا جارقىلدا. الگىندە مۇحاممەد ءاليدىڭ پىكىرىنەن سيتاتا كەلتىردىك. ول «كوبەلەك سياقتى ەلبەلە. ارا سياقتى شاق» دەپ جاس بوكسشىلارعا وسيەت ايتىپتى. جانىبەك الماتى وبلىسىنىڭ جىلاندى ەلدى-مەكەنىندە وسكەن. جاسى نەبارى 28-دە. ال ونىڭ ءجۇرىپ كەلە جاتقان سوقپاعى وعان وڭاي بولمادى. قول جاراقاتىنا قاراماستان، 2016 جىلى ريو وليمپياداسىندا سوڭىنا دەيىن جۇدىرىقتاستى. ءبىراق، تورەشىلەر تاراپىنان ناتيجە قالاي بولعانى بارىمىزگە ايان. ونىڭ الدىندا الەم مەن ازيا بىرىنشىلىگىندە حالىقارالىق دارەجەدەگى سپورت شەبەرلىگىن يلەنگەن. جاستايىنان ءبىرتالاي بەلەستى اسىپ وتكەن ناعىز جاۋىنگەر.
ارمان اسۋى. وسى تاقىرىپشانى تەككە المادىق. ويتكەنى، بارزيلياداعى وليمپيادادان كەيىن، ول باعىتىن وزگەرتتى. كاسىپقوي بوسكقا كوشتى. ارتقا سان مىڭداعان شاقىرىمدى تاستادى. ءسويتىپ، اقش-قا جەتتى. سوندا جاتتىعىپ، 72 كەلى ساماقتا شارشى الاڭدا وتە جاقسى ناتيجەلەرگە قول جەتكىزۋدە. ءبىزدىڭ باتىر كاسىپقوي بوكستا ورتا سالماقتاعى WBO Global تۇجىرىمى بويىنشا (2012-2020 جج، 2020 - ب.ۋ.) جانە WBC Continental Americas تۇجىرىمى بويىنشا (2019-ب.ۋ.) چەمپيونى دارەجەلەرىن يەلەندى. جاقىندا جانىبەك، قىركۇيەك-قازان ايلارىندا جاڭارتىلعا BoxReg رەيتينگى بويىنشا ورتا سالماقتا WBC تۇجىرىمىندا 4 ورىندا، ءىۆس تۇجىرىمىندا 9 ورىندا، WBO تۇجىرىمىندا 2 ورىن vRinge.com تۇجىرىمى بويىنشا 7ء-شى ورىنعا ورنالاستى.
قورىتۋ. جوعارىدا ونىڭ جاسىن، قاراپايىم اۋىلدا وسكەنىن تەككە ايتپادىق. ماقساتقا ۇمتىلعان سپورتشى، قۇرىلىسشى، ساۋداگەر بولسىن ول – مىندەتتى تۇردە ءوزىنىڭ كوزدەگەنىنە جەتەدى. ونى ءبىز وسى كەلتىرگەن مىسالدار ارقىلى سەزىندىك. ال وتانداسىمىزدىڭ ءالى تالاي شىڭدى باعىندىرارىنا سەنىمىمىز مول دەمەكپىز.