رەجيسسەر ەرەنباق تويكەنوۆ حالىقارالىق «نانو-وپەرا» جاس رەجيسسەرلەر بايقاۋىنىڭ ىرىكتەۋىنەن وتكەن تاريحتاعى العاشقى قازاقستاندىق اتاندى.
ول ەكى جۇزدەن اسا ادامنىڭ ىشىنەن جۇلدەلى ورىنعا ۇمىتكەر ون قاتىسۋشىنىڭ قاتارىنا كىردى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«نانو-وپەرا» بايقاۋى 2013 جىلدان بەرى ەكى جىلدا ءبىر وتەدى. جوعارى كاسىبي قازىلار القاسىنىڭ قۇرامىندا كوركەمدىك جەتەكشىلەر، جەتەكشى حالىقارالىق وپەرا تەاترلارىنىڭ ديرەكتورلارى مەن رەجيسسەرلەرى، تانىمال تەاتر مەنەدجەرلەرى مەن پروديۋسەرلەرى بار. ەڭ ماڭىزدى ماراپات – بايقاۋدىڭ باس-جۇلدەسى – «گەليكون-وپەرادا» سپەكتاكل قويۋعا، سونداي-اق باسقا دا وپەرا تەاترلارىندا قويىلىمعا سەرتيفيكات الادى.
«مۋزىكالىق تەاتردىڭ رەجيسسەرلەر بايقاۋى - الەمدىك مادەني كەڭىستىكتەگى وتە سيرەك جاعداي، ال «نانو-وپەرا» – الەمدە باعالاناتىن ءۇش بايقاۋدىڭ ءبىرى. ىرىكتەۋ كەزەڭىنەن ءوتۋ ءۇشىن الەمدىك كلاسسيكالىق رەپەرتۋاردان وپەرالىق سپەكتاكل جايلى ءوزىڭنىڭ كورگەن-تۇيگەندەرىڭدى قاعاز كۇيىندە ۇسىنۋ كەرەك. مەنىڭ تاڭداۋىم دج.ءپۋچچينيدىڭ جاۋھارى «تۋراندوت» وپەراسىنا ءتۇستى، سەبەبى حيكايانىڭ باستى كەيىپكەرى كالاف – نوعاي اۋلەتىنىڭ وكىلى، ال نوعايلار – قازاقستاننىڭ ەتنيكالىق توبى. بۇعان دەيىن گەرمانيادا Camerata Nuova بايقاۋىنا قاتىسقانىمدى، سول كەزدە دە 2 جۇزدەن استام ۇمىتكەردىڭ اراسىنان اقتىق توعىزدىققا ەنگەن تاريحتاعى تۇڭعىش قازاقستاندىق بولعانىمدى ايتا كەتكىم كەلەدى»، – دەدى ەرەنباق تويكەنوۆ.
ايتا كەتەيىك، بايقاۋ قاتىسۋشىلارى «گەليكون-وپەرا» تەاترى سوليستەرىمەن بىرگە ءبىرىنشى كەزەڭدە اريانىڭ، ەكىنشى كەزەڭدە دۋەتتىڭ، ءۇشىنشى كەزەڭدە وپەرا سوليستەرى جانە حور ارتىستەرىمەن كوپشىلىك ساحنا قويىلىمدارىن ورىندايدى. ساحنالىق نومىرلەردى جاساۋ جۇرتشىلىق الدىندا وتەدى.