جىل باسىنان بەرى 98،1 مىڭ وتباسىنداعى 503،5 مىڭ ادامعا اتاۋلى الەۋمەتتىك كومەك تاعايىندالدى.
بيىل بۇل ماقساتقا بيۋدجەتتەن 87،1 ملرد تەڭگە ءبولىندى، دەپ حابارلايدى Almaty-akshamy.kz
ەڭبەك جانە حالىقتى الەۋمەتتىڭ قورعاۋ مينيسترلىگىنىڭ مالىمەتىنشە، ااك وتباسىنىڭ ءاربىر مۇشەسىنە جان باسىنا شاققانداعى ورتاشا تابىسى وڭىرلىك ەڭ تومەنگى كۇنكورىس دەڭگەيىنىڭ 70%-ىنان تومەن ازاماتتارعا تاعايىندالادى.
بۇدان باسقا، ااك كورسەتۋدىڭ جاڭا تەتىگىن ىسكە اسىرۋ شەڭبەرىندە ەلىمىزدىڭ بارلىق وڭىرىندە تابىسى از وتباسىلاردىڭ مەكتەپ جاسىنا دەيىنگى بالالارىن كەپىلدىك بەرىلگەن الەۋمەتتىك توپتامامەن قامتاماسىز ەتۋ بويىنشا جۇمىس جۇرگىزىلۋدە.
«2022 جىلعى 1 توقساندا ااك الۋشىلار قاتارىنداعى 1 جاستان 6 جاسقا دەيىنگى 124،5 مىڭ بالا ازىق-تۇلىك جانە تۇرمىستىق حيميا جيىنتىعى تۇرىندە الەۋمەتتىك توپتاما تاعايىندالدى»، - دەلىنگەن ۆەدومستۆو حابارلاماسىندا.
ەستەرىڭىزگە سالا كەتەيىك، وسى جىلدىڭ قاڭتار ايىندا توتەنشە جاعداي رەجيمىنىڭ قولدانىلۋىنا بايلانىستى 2021 جىلدىڭ 4 توقسانىندا ااك العان ازاماتتارعا تولەمدەر 2022 جىلدىڭ 1 توقسانىنا اۆتوماتتى تۇردە ۇزارتىلدى. بۇل رەتتە جاڭا الۋشىلار ءۇشىن ەلەكتروندىق ۇكىمەت پورتالى ارقىلى اتاۋلى الەۋمەتتىك كومەك تاعايىنداۋعا ءوتىنىش بەرۋ مۇمكىندىگى ىسكە اسىرىلدى.
قازىرگى ۋاقىتتا قازاقستاندىقتار ااك تاعايىنداۋعا ءوتىنىشتى تۇرعىلىقتى جەرى بويىنشا جۇمىسپەن قامتۋ ورتالىعىندا، سونداي-اق eGov.kz ەلەكتروندىق ۇكىمەت پورتالى ارقىلى بەرە الادى.