قازاقستاندىق جاس عالىم مەرۋەرت بيجانوۆا الەمنىڭ ەڭ ۇزدىك جوعارى وقۋ ورىندارىنىڭ ءبىرى سانالاتىن — ۇلىبريتانياداعى وكسفورد ۋنيۆەرسيتەتىنىڭ دوكتورانتۋرا باعدارلاماسىنا قابىلداندى، دەپ حابارلايدى aqshamnews.kz
2025 جىلعى حالىقارالىق ۋنيۆەرسيتەتتەر رەيتينگىندە وكسفورد الەمدىك توپ-1 ورىندى يەلەنىپ وتىر. عىلىم مەن ءبىلىمنىڭ التىن ورداسىنا اينالعان بۇل وقۋ ورداسى — ايگىلى ستيۆەن حوكينگ ءبىلىم العان، نوبەل سىيلىعىنىڭ لاۋرەاتتارى، الەمدىك دەڭگەيدەگى ساياساتكەرلەر مەن ويشىلدار تۇلەپ ۇشقان بەدەلدى مەكەمە.
— ءبىلىم الۋدى عىلىم مەن يدەيالار توعىسقان ورتادا جالعاستىرامىن. بۇل — ۇلكەن مۇمكىندىك ءارى زور جاۋاپكەرشىلىك. وكسفوردتا وقۋ — مەن ءۇشىن ارمان عانا ەمەس، ەل الدىنداعى مىندەتىم دەپ بىلەمىن، — دەيدى مەرۋەرت.
مەرۋەرت بيجانوۆا — ءوز سالاسىندا تەرەڭ ءبىلىم مەن تاجىريبە جيناقتاپ، عىلىمي زەرتتەۋلەرگە بەلسەنە ارالاسىپ جۇرگەن جاس مامان. ونىڭ حالىقارالىق دەڭگەيدەگى ءبىلىم ورداسىنا ءتۇسۋى — قازاقستاندىق جاستاردىڭ الەۋەتى زور ەكەنىن تاعى ءبىر دالەلدەيتىن قۋانىشتى جاڭالىق.
بۇل جەتىستىك ءوز ءبىلىم جولىن ەندى باستاعان جاس ۇرپاققا جىگەر بەرىپ، الەمدىك ارەنادا قازاقستاندىق عىلىم مەن ءبىلىمنىڭ بيىككە كوتەرىلۋىنە سەرپىن بولماق.