قازاق قىزدارى الەم كۋبوگىندا توپ جاردى

يتاليانىڭ كولالبو قالاسىندا كونكيمەن جۇگىرۋدەن جاسوسپىرىمدەر اراسىنداعى دۇنيەجۇزىلىك دودا ءوتتى.

الەمدىك الاماننىڭ كەزەكتى، ياعني ەكىنشى كەزەڭىندە ۇلتتىق كوماندا وكىلدەرى بىرنەشە رەت جەڭىس تۇعىرىنا كوتەرىلدى، دەپ حابارلايدى اlmaty-akshamy.kz 24.kz-كە سىلتەمە جاساپ.  اتاپ ايتقاندا، 1 000 مەترلىك باسەكەدە ينەسسا شۇمەكوۆا جەڭىمپاز اتانسا، تاعى ءبىر قازاقستاندىق ارينا يلياششەنكو كۇمىس جۇلدەگە قول سوزدى. ال 500 مەترلىك باسەكەدە قازاقستاندىق مارگاريتا ارتەميەۆا ەڭ ۇزدىك ناتيجەنى تىركەدى. ول اتالعان ارالىقتى 40،04  سەكۋندتا ءجۇرىپ ءوتتى.

جوعارىدا اتى اتالعان ينەسسا شۋمەكوۆا بولسا، ءدال وسى سىندا ەكىنشى ورىنعا تۇراقتادى. ال قازاقستاننىڭ ەرەسەكتەر قۇراماسى ءدال ءقازىر نورۆەگيانىڭ ستاۆانگەر قالاسىنداعى الەم كۋبوگىنا قاتىسىپ جاتىر. ۆ ديۆيزيوندا نادەجدا موروزوۆا ەڭ ۇزدىك ناتيجەنى تىركەلدى. ول 500 مەترلىك ارالىقتى 38،84 سەكۋندتا ءجۇرىپ ءوتتى. بۇعان نادەجدا موروزوۆا ا ديۆيزيوندا دا باعىن سىناپ، 5ء-شى جانە 6-شى ورىنعا تۇراقتاعان بولاتىن. ۇلتتىق كوماندانىڭ باسقا وكىلدەرى، ياعني ەكاتەرينا ايدوۆا 8ء-شى، ال الينا داۋرانوۆا 12ء-شى ورىنعا تۇراقتادى.