وڭىرلەر بويىنشا كەزەكتى جۇمىس ساپارى بارىسىندا كولىك ءمينيسترى مارات قارابايەۆ جەزقازعاننان قىزىلورداعا رەسپۋبليكالىق ماڭىزى بار جولداردى قايتا جاڭارتۋ ۋچاسكەلەرىن قاراۋ ءۇشىن اۆتوكولىكپەن ءجۇرىپ ءوتتى.
قىزىلوردا وبلىسىندا China Civil Engineering Construction Corporation مەردىگەرلىك ۇيىمىنىڭ بازاسىندا ۆەدومستۆو باسشىسى «قازاۆتوجول» ۇك» اق جانە 5 قۇرىلىس كومپانياسىنىڭ قاتىسۋىمەن ۇلكەن كەڭەس وتكىزدى، دەپ حابارلايدى Almaty-akshamy.kz كولىك مينيسترلىگىنە سىلتەمە جاساپ.
«قىزىلوردا-جەزقازعان» اۆتوجولىنىڭ ۋچاسكەلەرىن رەكونسترۋكسيالاۋ ماسەلەلەرى جونىندە وتكەن كەڭەستە شەتەلدىك جانە وتاندىق جول قۇرىلىسشىلارى ءوز جۇمىسىن ناتيجەلى اتقارا الماعان مەردىگەرلەر بۇدان بىلاي قازاقستاننىڭ جاڭا جول جوبالارىنا قاتىسا المايتىنى تۋرالى ەسكەرتىلدى
ۇزىندىعى 208 كم «قىزىلوردا-جەزقازعان»تراسساسىن رەكونسترۋكسيالاۋ جوباسىن ەقدب قارجىلاندىرادى جانە جولدى III تەحنيكالىق ساناتتان II تەحنيكالىق ساناتقا اۋىستىرۋدى كوزدەيدى. قازىرگى ۋاقىتتا جاڭا اسفالتبەتون جابىنى بويىنشا 85 كم قوزعالىس اشىلىپ، جۇمىستاردى 2024-2025 جىلدارى تولىق اياقتاۋ جوسپارلانعان.
«قىزىلوردا-جەزقازعان» جوباسى 6 ۋچاسكەدەن قۇرالعان. 2021 جىلدىڭ سوڭىندا 67 شاقىرىمنان 216 كم-گە دەيىنگى ءتورت ۋچاسكە بويىنشا كەلىسىمشارتتارعا قول قويىلعان. مەردىگەرلەركومپانيا اتالعان ۋچاسكەلەردى 2024 جىلى تاپسىرۋى كەرەك. 1 جانە 2-ۋچاسكەلەر بويىنشا كونكۋرس بەرىلگەن وتىنىمدەردىڭ جسق سوماسىنان اسىپ كەتۋىنە بايلانىستى قايتا وتكىزىلدى. ناتيجەسىندە «قىزىلوردا قالاسىن اينالىپ ءوتۋ قۇرىلىسى» №1 ۋچاسكەسى باسقا قارجىلاندىرۋ كوزى ارقىلى ىسكە اسىرۋ ءۇشىن ەقدب كەلىسىمى بويىنشا جوبادان الىنىپ تاستالدى. №2 ۋچاسكە بويىنشا كەلىسىمشارتقا 2023 جىلدىڭ مامىر ايىندا قول قويىلعان، الايدا مەردىگەر ۇيىمدار تاراپىنان جوبا قۇنىن ۇلعايتۋ قاجەتتىلىگى تۋرالى ماسەلە كوتەرىلۋدە.
وسىعان بايلانىستى قۇرىلىسشىلارمەن اڭگىمەلەسۋ بارىسىندا قازاقستانداعى جول جوبالارىن قارجىلاندىرۋدىڭ اتالعان ماسەلەلەرى مەن جاڭا تاسىلدەرىنە باستى نازار اۋدارىلدى. اتاپ ايتقاندا، مارات قارابايەۆ مەردىگەرلەرگە بۇدان بىلاي جول جوبالارىنا قاتىستى قولدان قىمباتشىلىق جاساۋلارىنا جول بەرىلمەيتىنىن قاتاڭ ەسكەرتتى.
«كەيبىر كومپانيالار جۇمىس باستالعان العاشقى جىلى جۇمىستاردى ادەيى كەشىكتىرءىپ، ءۇشىنشى-تورتىنشى جىلى قىمباتتاۋ ماسەلەسىن العا تارتادى. وسىنداي تاجىريبەگە تاپ بولىپ وتىرمىز. بۇل رەتتە «ەڭ باسىندا كەلەسىلگەن سومادان ارتىق ەشتەڭە بەرىلمەيدى» دەپ بىردەن ايتامىن. بۇرىن-سوڭدى باسقا ۋچاسكەلەردە، اتاپ ايتقاندا «قاراعاندى – بالقاش» جانە «تالدىقورعان – وسكەمەن» ۋچاسكەلەرىندە جۇمىس ىستەگەن ارىپتەستەرىڭىزدىڭ تاجىريبەسىنە قاراڭىزدار. بۇل بارشاعا ساباق بولىپ، ەندى قايتالانبايدى. بۇدان بىلاي جول جوبالارىنا قاتىستى قولدان قىمباتشىلىق جاساۋلارىڭىزعا جول بەرىلمەيءدى. قولىڭىزدان كەلمەسە، كەلىسىمشارتتى بۇزىپ، جۇمىستى سول جەردەن توقتاتىڭىز. بۇل بارلىق مەردىگەر مەن جول جوبالارىنا قاتىستى ايتىلىپ وتىر»، - دەدى مينيستر.
ول سونداي-اق ق ر كولىك مينيسترلىگى ءوز تاراپىنان جوبالار قۇنىنىڭ قىمباتتاۋىنان وزگە باسقا بارلىق ماسەلە بويىنشا جول قۇرىلىسشىلارىنا ءاردايىم كومەك كورسەتۋگە دايىن ەكەنىن اتاپ ءوتتى.
مارات قارابايەۆ مەملەكەتتىك ورگان تەرىس تاجىريبەسى بار كومپانيالار قازاقستاننىڭ جاڭا جول جوبالارىنا قاتىسا المايتىنداي ەتىپ زاڭناماعا وزگەرىستەر ەنگىزۋگە باستاماشى بولعانىن ايتتى.
«قارا ءتىزىم» بۇرىن دا بولعان، الايدا ءقازىر اتالعان نورمانى پايدالانۋ اياسىن ودان ءارى كەڭەيتكىمىز كەلەدى. سوندىقتان ەلىمىزگە العاش رەت كىرىپ جاتقان كومپانيالار بىردەن وزدەرىنە «قازاقستانعا ۇزاق ۋاقىت جۇمىس ىستەۋگە كەلدىك پە الدە جوق پا؟» دەگەن سۇراققا جاۋاپ بەرۋلەرى كەرەك. ويتكەنى الداعى 6 جىلدا 8 مىڭ شاقىرىمعا جۋىق جولدا قۇرىلىس جۇمىستارىن جۇرگىزۋ جوسپارلانىپ وتىر»، - دەپ ەسكەرتتى مينيستر.
سونداي-اق ۆەدومستۆو باسشىسى مەردىگەر ۇيىمدارعا جوبالارعا تولىققاندى دايىندىقپەن كىرىسۋ قاجەت ەكەنىن ەسكە سالدى.
«بارلىق قاجەتتى تەحنيكانى ءوزدەرىڭىزبەن بىرگە الىپ كەلىپ، ۇزاق مەرزىمگە ەڭ جاقسى قىزمەتكەرلەرءدى جالداڭىز. ەگەر مەردىگەر جوباعا كىرىسىپ، الايدا تەحنيكانى ساتىپ الۋ ءۇشىن بىزدەن اۆانس كۇتىپ وتىرسا، ءبىز قوشتاسۋعا ءماجبۇر بولامىز. مۇنداي تاجىريبە ءبىز ءۇشىن تاڭسىق ەمەس»، - دەدى كولىك سالاسىنا جاۋاپتى مينيستر.
وڭىرلەر بويىنشا كەزەكتى جۇمىس ساپارى بارىسىندا كولىك ءمينيسترى مارات قارابايەۆ جەزقازعاننان قىزىلورداعا رەسپۋبليكالىق ماڭىزى بار جولداردى قايتا جاڭارتۋ ۋچاسكەلەرىن قاراۋ ءۇشىن اۆتوكولىكپەن ءجۇرىپ ءوتتى. قىزىلوردا وبلىسىندا China Civil Engineering Construction Corporation مەردىگەرلىك ۇيىمىنىڭ بازاسىندا ۆەدومستۆو باسشىسى «قازاۆتوجول» ۇك» اق جانە 5 قۇرىلىس كومپانياسىنىڭ قاتىسۋىمەن ۇلكەن كەڭەس وتكىزدى.