ۋربانيست ديدار شاجالييەۆ الماتى قالاسى ناۋرىزباي اۋدانىنداعى №7 قالالىق كلينيكالىق اۋرۋحانانىڭ الدىنا قويىلعان ايالداما كەشەنىنە قاتىستى ءوز پىكىرىمەن ءبولىستى.
جاڭا ايالداما ساپالى ماتەريالداردان جاسالعان. سونىمەن، شاتىر اليۋمينييمەن جابىلعان، ال مەتالل جاقتاۋ اعاشپەن قاپتالعان. بارلىق اعاش ەلەمەنتتەر وتقا ءتوزىمدى، سۋ وتكىزبەيتىن جانە ارنايى قۇرالدارمەن وڭدەلگەن. ايالدامادا ۇزىندىعى 18 مەتر ورىندىق قويىلعان.
ساراپشى اتاپ وتكەندەي، جاڭا ايالدامانىڭ باستى ارتىقشىلىقتارىنىڭ ءبىرى-سىيىمدىلىق.
«مۇنداي ايالداما تۋرالى سەنىمدى تۇردە «ادامدار ءۇشىن جاسالعان» لەپ ايتۋعا بولادى. ياعني، قانداي دا ءبىر ستاندارتتى جوبا عانا ەمەس، ازاماتتاردىڭ قاجەتتىلىكتەرى ەسكەرىلگەن. كەز كەلگەن اۋا - رايىندا مۇندا كوپتەگەن ادامدار جايلى ورنالاسا الادى»، - دەدى ديدار شاجالييەۆ.
ايتا كەتۋ كەرەك، ايالدامانى جوندەۋ اۋداننىڭ ايالداما كەشەندەرىن ۇستاۋعا بولىنگەن قاراجات ەسەبىنەن جۇرگىزىلدى.
بۇگىنگى تاڭدا ناۋرىزباي اۋدانىندا 139 ايالداما پاۆيلونى بار. كەلەسى جىلى تاعى 6 ورناتۋ جوسپارلانۋدا. سونداي-اق، بارلىق ايالدامالارعا شاعىن مەرزىمدى جوندەۋ جۇرگىزىلەدى، ولاردا اتاۋى بار تاقتايشالار پايدا بولادى، قاجەت بولعان جاعدايدا ۋرنالار جاڭارتىلادى.