انتولوگياعا 54 قالامگەردىڭ تاڭدامالى شىعارمالارى ەنگىزىلگەن.
608 بەتتىك «قازاق پروزاسى» انتولوگياسى ەكى ەلدىڭ ديپلوماتيالىق قاتىناستارىنىڭ ورناعانىنا 30 جىل تولۋىنا ارناپ شىعارىلعان، دەپ حابارلايدى Almaty-akshamy.kz.
2022 جىلدىڭ شىلدە ايىندا ءازىربايجان مەن قازاقستان اراسىنداعى ديپلوماتيالىق قاتىناستاردىڭ ورناعانىنا 30 جىل تولدى.
انتولوگياعا ۇلى ابايدان باستاپ، 2000-شى جىلدارى ادەبيەتكە كەلگەن جاس ادەبي ۇرپاق وكىلدەرىنەن 54 قالامگەردىڭ تاڭدامالى شىعارمالارى ەنگىزىلگەن. ابايدىڭ «قارا سوزىنەن» ۇزىندىلەر، شاكارىمنىڭ ناقىل سوزدەرى، قۇدىرەتتى ءسوز شەبەرى مۇحتار اۋەزوۆ، ءابىش كەكىلبايەۆ، مۇحتار ماعاۋين، قابدەش ءجۇمادىلوۆ، قاليحان ىسقاقوۆ، ساكەن ءجۇنىسوۆ، اكىم تارازي، سايىن مۇراتبەكوۆ، دۋلات يسابەكوۆ، ورالحان بوكەي، دۇكەنباي دوسجانوۆ، ءساتىمجان سانبايەۆ، روللان سەيسەنبايەۆپەن قاتار تاۋەلسىزدىك كەزەڭىندەگى قازاق پروزاسى وكىلدەرىنىڭ شىعارمالارى ءازىربايجان وقىرماندارىنىڭ رۋحاني دۇنيەسىن بايىتۋدا ماڭىزدى ءرول اتقارماق.