الماتىدا 10 تامىزدا اباي قۇنانبايەۆتىڭ تۋعان كۇنىندە قازاقتىڭ ۇلى اقىنى، ويشىلىنىڭ ەسكەرتكىشىنە گۇل شوقتارى قويىلدى. مەرەكەلىك ءراسىم اباي الاڭىندا ءوتتى. ءىس-شاراعا اقىندار، جازۋشىلار، قوعام قايراتكەرلەرى جانە ت.ب. قاتىستى، دەپ حابارلايدى اlmaty-akshamy.kz.
كەلەسى ءىس-شارا الماتى مۋزەيىندە «اباي مۇراسى – حالىق قازىناسى» جىلجىمالى كورمەنىڭ اشىلۋ سالتاناتىنا جالعاستى. مۋزەيدە ابايدىڭ ءومىرى مەن شىعارماشىلىعىنا قاتىستى ەكسپوناتتار قويىلعان. سونداي-اق، اقىننىڭ اكەسى قۇنانباي وسكەنباي ۇلى، ابايدىڭ اقىندىق مەكتەبى مەن 80 جىلدان استام تاريحى بار اقىننىڭ مۋزەيى تۋرالى ماتەريالدار ۇسىنىلعان.
بۇعان قوسا، بۇل كۇنى «الاتاۋ» ءداستۇرلى ونەر تەاترىنىڭ ارتىستەرى مەتروعا ءتۇسىپ، ۇلى اقىننىڭ شىعارمالارىن مۋزىكالىق اسپاپتاردىڭ سۇيەمەلدەۋىمەن ورىندادى.
كەشكە «الاتاۋ» ءداستۇرلى ونەر تەاترىندا «كۇن ارتىنان كۇن تۋار» تەاترلاندىرىلعان كونسەرت وتەدى: حور مەن وركەسترلىك توپ «كوزىمنىڭ قاراسى»، «ايتتىم سالەم، قالامقاس»، «تاتيانانىڭ ءانى»، «قاراڭعى تۇندە تاۋ قالعىپ» جانە باسقا دا كوپتەگەن اندەردى ورىندايدى. ساحنا اياسىندا اقىننىڭ تۋعان جەرىنە بارعان ساپارلاردان بەينەماتەريالدار مەن مۋزەيلەردەن مۇراعاتتىق ماتەريالدار كورسەتىلەدى.
ەسكە سالساق، بيىل قازاقستاندا ۇلى اعارتۋشى اباي قۇنانبايەۆتىڭ تۋعانىنا 177 جىل تولۋى اتالىپ وتۋدە. اباي كۇنى قازاقستان رەسپۋبليكاسى ۇكىمەتىنىڭ 2020 جىلعى 4 تامىزداعى قاۋلىسىنا سايكەس، مەملەكەتتىك مەرەكەلەر كۇنتىزبەسىنە ەندى.
