شارانىڭ نەگىزگى ماقساتى – كامەلەتكە تولماعاندار اراسىنداعى قىلمىستاردىڭ الدىن الۋ.
الماتىدا «دەمالىس» جەدەل الدىن الۋ ءىس-شاراسى جۇرگىزىلۋدە، دەپ حابارلايدى Almaty-akshamy.kz Polisia.kz-كە سىلتەمە جاساپ.
دەمالىس كۇندەرىندە جەدەل جاعدايدى تۇراقتاندىرۋ جانە كامەلەتكە تولماعاندار اراسىنداعى قۇقىق بۇزۋشىلىقتىڭ جولىن كەسۋ، سونداي-اق بالالاردىڭ قۇقىقتارىن بۇزۋ دەرەكتەرىن انىقتاۋ، بالالاردىڭ قاداعالاۋسىز جانە پاناسىز قالماۋىن قاداعالاۋ، بالالار ەڭبەگىن پايدالانۋدىڭ الدىن الۋ ماقساتىندا 9-11 تامىز ارالىعىندا الماتى قالاسى اۋماعىندا مۇددەلى مەملەكەتتىك ورگانداردىڭ، ۇكىمەتتىك ەمەس ۇيىمداردىڭ وكىلدەرىن جانە قوعام بەلسەندىلەرىن تارتا وتىرىپ، جالپى قالالىق «دەمالىس» جەدەل الدىن الۋ ءىس-شاراسى جۇرگىزىلۋدە.
«ءىس-شارانىڭ نەگىزگى ماقساتى – كامەلەتكە تولماعاندار اراسىنداعى قۇقىق بۇزۋشىلىقتار مەن قىلمىستاردىڭ الدىن الۋ جانە ەسكەرتۋ، الكوگولدىك ىشىمدىكتەردى، ەسىرتكى، ۋلى جانە پسيحوتروپتىق زاتتاردى تۇتىناتىن قوعامعا قارسى باعىتتاعى كامەلەتكە تولماعاندار توپتارىن انىقتاۋ، سونداي-اق كامەلەتكە تولماعانداردىڭ زاڭدى وكىلدەرىنىڭ ەرىپ ءجۇرۋىنسىز كەشكى جانە تۇنگى ۋاقىتتا ۇيدەن تىس جەردە بولۋ دەرەكتەرىن انىقتاۋ. ءىس-شارانىڭ ءتيىمدى ءارى ناتيجەلى وتۋىنە ءبىلىم بەرۋ ورگاندارى، جەرگىلىكتى اتقارۋشى ورگاندار، اتا-انالار كوميتەتتەرى، پەداگوگيكالىق ۇجىمدار، كامەلەتكە تولماعانداردىڭ قۇقىقتارىن قورعاۋ جونىندەگى ۆەدومستۆوارالىق كوميسسيانىڭ جانە ءىىو-نىڭ باسقا دا قىزمەتتەرىنىڭ وكىلدەرى جۇمىلدىرىلعان»، – دەدى الماتى قالالىق پد جەرگىلىكتى پوليسيا قىزمەتى باسقارماسى باستىعىنىڭ ورىنباسارى دياس دۋانبەكوۆ.