ەرسىن بالتاعۇل جەڭىسكە قول جەتكىزدى.
قازاق پالۋانى ەرسىن بالتاعۇل جاپونياداعى سۋمو كۇرەسىنەن بيىلعى حارۋ ءباشودا ماكۋشيتا ديۆيزيونى بويىنشا 7:0 ەسەبىمەن ۇلكەن سپورتتاعى العاشقى جەڭىسىنە قول جەتكىزدى، دەپ حابارلادى Almaty-akshamy.kz Turkystan.kz.
سۋموشى ەرسىن بالتاعۇل بۇعان دەيىن 2019 جىلعى 18 قاراشادا جاپونيادا جاستار اراسىندا وتكەن سايىستا سۋمو چەمپيونى اتانعان بولاتىن. سودان بەرى اراعا ءۇش جىل سالىپ ءباشودا جەڭىسكە جەتتى.
ەرسىن بالتاعۇل توكيوعا الماتىدان 18 جاسىندا اتتانعان. ول بالا كۇنىندە قازاق جانە دزيۋدو كۇرەسىمەن اينالىسقان. ەرسىننىڭ سۋمو كۇرەسىنە كەلۋىنە سەبەپشى بولعان – ايگىلى موڭعول پالۋانى، سۋمو كۇرەسىنىڭ چەمپيونى (وكوزۋنا) ءاساشوري داگۆادورج. ول قازاق جىگىتىنە قولداۋ ءبىلدىرىپ، ونىڭ جاپونيادا وقۋىنا قولعابىس جاساعان.
ءقازىر ەرسىن نيحون ۋنيۆەرسيتەتىندە ءۇش بىردەي باپكەردەن (وياكاتا) ءتالىم الادى. ول وقۋعا بارعاندا سالماعى 130 كەلى بولىپ، ءقازىر 190 كەلىگە دەيىن جەتكەن. ەرسىننىڭ سۋموداعى لاقاپ اتى – كينبوزان، قازىرگى دارەجەسى – Ms34.
