اتالعان ورتالىقتى «اتامەكەن» كەدەن بەكەتى مەن «سىرداريا» كەدەن بەكەتىنىڭ ماڭىنان قۇرۋ تۋرالى ۇسىنىستار قارالدى.
قازاق-وزبەك شەكاراسىندا «ورتالىق ازيا» حالىقارالىق ونەركاسىپتىك كووپەراسيا ورتالىعى قۇرىلادى، دەپ حابارلايدى Almaty-akshamy.kz
ق ر ساۋدا جانە ينتەگراسيا ۆيسە-مينيسترى قايرات تورەبايەۆ ماقتاارال اۋدانىنا جۇمىس ساپارىمەن كەلىپ، ورتالىقتى قۇرۋعا تاڭدالعان جەر تەلىمدەرىمەن تانىستى.
تۇركىستان وبلىسى اكىمىنىڭ ورىنباسارى ەرمەك كەنجەحان ۇلى كولىكتىك ينفراقۇرىلىمنىڭ جاي-كۇيى تۋرالى بايانداپ، جوسپارلارمەن تانىستىردى.
اۋدان اكىمى باقىت اسانوۆ «اتامەكەن» كەدەندىك بەكەتىنىڭ ماڭىنداعى 50 گەكتار جەر تۋرالى ايتىپ ءوتىپ، اتالعان جەرگە ەلەكتر، گاز، اۋىز سۋ جۇيەلەرىن جەتكىزۋ بويىنشا دا باياندادى. سونىمەن قاتار كولىكتىك ينفراقۇرىلىمنىڭ جاي-كۇيى، تۋىنداپ جاتقان ماسەلەلەر جايلى دا كەڭىنەن مالىمدەدى. «ورتالىق ازيا» حالىقارالىق ونەركاسىپتىك كووپەراسيا ورتالىعىن «سىرداريا» شەكارا وتكىزۋ بەكەتىنەن قۇرۋ ىڭعايلىراق ەكەنىن ءتۇسىندىردى. ويتكەنى، بۇل جەردەن م-39 «تاشكەنت-تەرمەز» حالىقارالىق اۆتوموبيل جولى وتەدى سونداي-اق ءتيىستى ينفراقۇرىلىمداردى تارتا وتىرىپ ونەركاسىپتىك جانە ساۋدا-ساتتىق ورىندارىن اشۋعا، جاڭا جۇمىس ورىندارىن كوبەيتۋگە جول اشىلماق.
ۆيسە-مينيسترگە 2023-2024 جىلدارى جوسپارلانىپ وتىرعان «اتامەكەن» كەدەن بەكەتىن مودەرنيزاسيالاۋعا جۇمسالاتىن قارجىنى «سىرداريا» كەدەن بەكەتىنە باعىتتاۋ، «ماقتاارال-داربازا» تەمىر جولىن اتامەكەن كەدەن بەكەتىنەن «سىرداريا» شەكارا وتكىزۋ بەكەتىنە دەيىن تارتۋعا ىقپال ەتۋ جونىندە ۇسىنىس بەرىلدى.
جيىن سوڭىندا ۆيسە-مينيستر جاعدايمەن تولىق تانىسىپ، الادعى ۋاقىتتا ايتىلعان ۇسىنىستاردى ساراپتايتىنىن جەتكىزدى. سونداي-اق اۋدانداعى تەمىرجول جۇيەسىنىڭ جاي-كۇيىمەن تانىسىپ، ينفراقۇرىلىمدى جاقسارتۋعا قولداۋ بولاتىنىن جەتكىزدى. جەرگىلىكتى اتقارۋشى ورگاندارعا وسى باعىتتاعى جۇمىستاردى جۇيەلەۋ تاپسىرىلدى.