الماتى وبلىسى جانە جەتىسۋ وبلىسى بويىنشا قاجد قاراستى № 57 مەكەمە قىزمەتكەرلەرى دونور بولىپ قان تاپسىردى.
«قان تاپسىردى – ءومىردى قۇتقاردى» قايىرىمدىلىق اكسياسىنا الماتى وبلىسى قاجد قىزمەتكەرلەرى كەزەكتى رەت تاعى قاتىستى، دەپ حابارلايدى Almaty-akshamy.kz Polisia.kz-كە سىلتەمە جاساپ.
الەۋەتتى دونورلاردىڭ جالپى دەنساۋلىق جاعدايىن تەكسەرگەننەن كەيىن، قونايەۆ قالالىق اۋرۋحاناسى 10-عا جۋىق قاج قىزمەتكەرىنە قان تاپسىرۋعا رۇقسات بەردى. وزگەگە ونەگە كورسەتكەن قىلمىستىق-اتقارۋ جۇيەسىنىڭ قىزمەتكەرلەرى قان دونورلارىنىڭ قاتارىنا مۇمكىندىگىنشە كوپ ازاماتتاردى تارتقىسى كەلەدى.
«قاج قىزمەتكەرلەرىنىڭ جۇمىسى – ءومىرى مەن دەنساۋلىعىنا ءقاۋىپ توندىرەتىن ماماندىق، سوندىقتان پوگونداعى ادامدار، دونورلىقتىڭ قاجەتتىلىگىن جاقسى تۇسىنەدى»، – دەپ اتاپ ءوتتى قاجد باستىعىنىڭ ورىنباسارى جانىبەك قوسجانوۆ.