عىلىم - ادامزاتتىڭ ايناسى
قازاقستان رەسپۋبليكاسىنىڭ ۇلتتىق كىتاپحاناسىندا م.و. اۋەزوۆ اتىنداعى ادەبيەت جانە ونەر ينستيتۋتىنىڭ ۇيىمداستىرۋىمەن، جاڭادان جارىق كورگەن عىلىمي ەڭبەكتەردىڭ تۇساۋكەسەرى بولىپ ءوتتى، دەپ حابارلايدى Almaty-akshamy.kz
جيىنعا ق ر ۇعا كوررەسپوندەنت-مۇشەسى، ينستيتۋت ديرەكتورى كەنجەحان ماتىجانوۆ مودەراتورلىق جاسادى. سونداي-اق قازاقستان رەسپۋبليكاسى ۇلتتىق كىتاپحاناسىنىڭ ديرەكتورى باقىتجامال وسپانوۆا، بەلگىلى ادەبيەتتانۋشى، ونەرتانۋشى، فولكلورتانۋشى عالىمدار تىنىسبەك قوڭىراتبايەۆ، فيلولوگيا عىلىمدارىنىڭ دوكتورى باقىتجان ازىبايەۆا، الاشتانۋشى ايگۇل ءىسماقوۆا، ادەبيەتتانۋشى پروفەسسور قانيپاش مادىبايەۆا، فيلولوگيا عىلىمدارىنىڭ كانديداتى ساعاتبەك مەدەۋبەك، اۋەزوۆتانۋشى گۇلزيا پىرالييەۆا، شەتەل ادەبيەتىن زەرتتەۋشى سۆەتلانا انانيەۆا، فولكلورتانۋشى دۇيسەنگۇل جاھان، ينستيتۋت ديرەكتورىنىڭ عىلىم جونىندەگى ورىنباسارى الميرا قالييەۆا، شىعىستانۋشى ءتورالى قىدىر، جازۋشى سەرىك اسىلبەك ۇلى، ءداستۇرلى ءانشى ساۋلە جانپەيىسوۆا، ت.جۇرگەنوۆ اتىنداعى قازاق ۇلتتىق ونەر اكادەمياسىنىڭ پروفەسسورى ورازقۇلوۆا قالدىگۇل، ت.ب. مادەنيەت پەن رۋحانيات جاناشىرلارى، جاس عالىمدار قاتىستى.
شارانىڭ ماقساتى - م.و. اۋەزوۆ اتىنداعى ادەبيەت جانە ونەر ينستيتۋتىنىڭ سوڭعى 3 جىلدا جارىق كورگەن عىلىمي، اكادەميالىق ەڭبەكتەرى مەن تانىمدىق، ادەبي-كوركەم باسىلىمدارىن عىلىمي ورتاعا تانىستىرۋ، كىتاپحانا قورىنا تاپسىرۋ ارقىلى جالپى اينالىمعا ەنگىزۋ جانە كوپشىلىككە ناسيحاتتاۋ.
تۇساۋكەسەر راسىمىندە قازاق فولكلورىنىڭ قاستەرلى ۇعىم-تۇسىنىكتەر الەمى، قازاق قولجازبالارىنىڭ عىلىمي سيپاتتاماسى، ۇلى دالا ويىندارى (ويىندىق فولكلور)، ماتىجانوۆ ك. كازاحسكيي سەمەينىي فولكلور، قوجا احمەت ياساۋي حيكمەتتەرى، «رۋحاني جاڭعىرۋ» يدەياسىن جۇزەگە اسىرۋداعى كوركەم ادەبيەتتىڭ رۋحاني رەسۋرستىق الەۋەتى، جاھاندانۋ داۋىرىندەگى «رۋحاني جاڭعىرۋ» كونسەپتىندەگى ۇلتتىق كود: كوركەمدىك جانە ادەبيەتتانۋلىق نەگىزدەرى، قازىرگى قازاق دراماتۋرگياسىنداعى يننوۆاسيالىق ىزدەنىستەر، اباي ءىلىمى – ۇلتتىڭ رۋحاني-مادەني كودى، كۋلتۋرا ۆ گلوبالنوم ميرە، كازاحستان ۆ موەي سۋدبە. حرەستوماتيا سوۆرەمەننوي ليتەراتۋرى. پوەزيا. ت. 1.، كازاحستان ۆ موەي سۋدبە. حرەستوماتيا سوۆرەمەننوي ليتەراتۋرى. پروزا. ت. 2.، م.و. اۋەزوۆتىڭ قازاقستانداعى ادەبيەتتانۋ جانە ادەبي سىننىڭ دامۋى مەن قالىپتاسۋىنداعى ءرولى، «XVII اۋەزوۆ وقۋلارى» عىلىمي-پراكتيكالىق كونفەرەنسياسىنىڭ ماتەريالدارى، «XVIII اۋەزوۆ وقۋلارى» عىلىمي-پراكتيكالىق كونفەرەنسياسىنىڭ ماتەريالدارى، ليتەراتۋرا كازاحستانا ۆ زارۋبەجنىح يستوچنيكاح، تاۋەلسىزدىكتىڭ 30-جىلدىعىنا ارنالعان «تاۋەلسىزدىك: ادەبيەت پەن كوركەم ونەر» اتتى حالىقارالىق عىلىمي كونفەرەنسيا، اباي شىعارمالارىنىڭ اكادەميالىق تولىق جيناعى. ءۇش تومدىق. ءى-ىى-ىى-توم، جامبىل شىعارمالارىنىڭ اكادەميالىق تولىق جيناعى. ءۇش تومدىق. ءى-ىى-ىى-توم، جاستاردىڭ ۇلتتىق سانا-سەزىمىن قالىپتاستىرۋداعى كوركەمونەردىڭ ءرولى، كۋلتۋرنايا پاراديگما «ماڭگىلىك ەل» ي گلوباليزاسيا يسكۋسستۆا كازاحستانا. كوللەكتيۆنايا مونوگرافيا، جاھاندىق داۋىردەگى قازاق ءداستۇرلى مۋزىكا مادەنيەتىنىڭ جاڭعىرۋى، قازتۋعانوۆا ا. جاھاندىق داۋىردەگى كۇي ونەرىنىڭ دامۋ ۇدەرىسى، كونە كۇيلەردى جۇيەلەۋ مەن ىرىكتەۋ جۇمىستارىنىڭ وزەكتى ماسەلەلەرى، ۆوسپيەۆايا پرەكراسنوە – ۆەچنىە دۋحوۆنىە سەننوستي. ماتەريالى مەجدۋنارودنوي ناۋچنو-پراكتيچەسكوي كونفەرەنسيي، پريۋروچەننوي ك 85-لەتيۋ چلەن-كورەسسپوندەنتا نان رك، دوكتورا يسكۋسستۆوۆەدەنيا، پروفەسسورا س.ا.كۋزەمباي سىندى عىلىمي-تاجىريبەلىك دوڭگەلەك ستول ماتەريالدارى، مونوگرافيالار، اكادەميالىق جيناقتار تانىستىرىلدى.
ينستيتۋت – قازاق كوركەم مادەنيەتىن تۇراقتى تۇردە ءارى كەشەندى زەرتتەۋمەن اينالىساتىن قازاقستانداعى بىردەن-بىر مەكەمە. ەلىمىزدىڭ رۋحاني-مادەني الەمىندەگى كوركەم قۇبىلىستاردى ىرگەلى جانە قولدانبالى تۇرعىدا زەرتتەي وتىرىپ، ۇلتتىق تانىم مەن زەردەلى وي كوكجيەگىن كەڭەيتۋگە ۇلەس قوسىپ كەلە جاتقان عىلىم شاڭىراعىنىڭ كەيىنگى ەڭبەكتەرى سان سالالى.
وسى رەتتە ادەبيەت پەن ونەردىڭ ۇرپاق تاربيەسىندەگى ورنى مەن ءرولى، كوركەم ونەردىڭ جەكە سالالارىنىڭ دامۋ ۇردىستەرى، جاھاندىق مادەنيەت اياسىنداعى قازاق رۋحانياتى، كوركەمدىك ينتەگراسيالار، ۇلتتىق جادتىڭ جاڭعىرۋى سىندى ماسەلەلەرگە ارنالعان مونوگرافيالىق ەڭبەكتەر مەن عىلىمي جيناقتار، انتولوگيالىق، حرەستوماتيالىق تومتامالار، عىلىمي-اكادەميالىق اۋدارمالار اينالىمعا قوسىلىپ وتىر.
تۇساۋكەسەر راسىمىندە ءاربىر عىلىمي ەڭبەكتىڭ ءمان-ماعىناسى ءتۇسىندىرىلدى. ءىس-شارادا حالىقتىڭ ءداستۇرلى اندەرى ورىندالدى. كوز مايىن تاۋىسىپ جۇمىس جاساپ جۇرگەن عالىمداردىڭ وراسان زور ەڭبەگى ايتىلدى.