ءىرى كومپانيالار اتالعان باعىت بويىنشا جۇمىستاردى باستاپ كەتكەن.
قازاقستان ۇكىمەتى تجق بنا كودتارىن جاساۋ جونىندەگى جۇمىستار 2022 جىلدىڭ 1 شىلدەسىنەن باستاپ كۇشىنە ەنەتىنىن ەسكەرتىپ وتىر، دەپ حابارلايدى Almaty-akshamy.kz.
«ق ر ييدم يندۋستريالىق دامۋ كوميتەتىنىڭ ۇيىمداستىرۋىمەن جەر قويناۋىن پايدالانۋشىلاردى تاۋارلاردىڭ، جۇمىستار مەن كورسەتىلەتىن قىزمەتتەردىڭ ءبىرىڭعاي نومەنكلاتۋرالىق انىقتامالىعىنا كوشىرۋ ماسەلەسىنە ارنالعان باسقوسۋ ءوتتى»، - دەلىنگەن ييدم باسپا ءسوز قىزمەتىنىڭ حابارلاماسىندا.
Zoom پلاتفورماسىندا ۇيىمداستىرىلعان ونلاين فورماتتاعى جيىنعا «سامۇرىق-قازىنا كونتراكت»، QazIndustry جانە بيزنەس وكىلدەرى قاتىستى.
يندۋستريالىق دامۋ كوميتەتىنىڭ ءتوراعاسى ءىلياس وسپانوۆتىڭ ايتۋىنشا، بۇگىندە ەل ۇكىمەتى رەتتەلەتىن ساتىپ الۋدىڭ بارلىق ەلەكتروندىق الاڭدارىن «ساتىپ الۋدىڭ ءبىرىڭعاي تەرەزەسى» پورتالىمەن ينتەگراسيالاۋ بويىنشا مىندەتتەمە قويىپ وتىر.
ءبىرىڭعاي جۇيەگە «جەر قويناۋىن پايدالانۋ جونىندەگى وپەراسيالاردى جۇرگىزۋ كەزىندە پايدالانىلاتىن تاۋارلاردىڭ، جۇمىستار مەن كورسەتىلەتىن قىزمەتتەردىڭ جانە ولاردى وندىرۋشىلەردىڭ ءتىزىلىمى» مەملەكەتتىك اقپاراتتىق جۇيەسى دە ەنگىزىلمەك. اتالعان جۇيەدە جەر قويناۋىن پايدالانۋشىلاردىڭ ساتىپ الۋى جۇزەگە اسىرىلادى. وسىعان وراي جاقىندا تاۋارلار، جۇمىستار مەن كورسەتىلەتىن قىزمەتتەر انىقتامالىعى ءونىمىنىڭ ستاتيستيكالىق جىكتەمەسى تاۋارلاردىڭ، جۇمىستار مەن كورسەتىلەتىن قىزمەتتەردىڭ ءبىرىڭعاي نومەنكلاتۋرالىق انىقتامالىعىنا كوشىرىلمەك.
ييدم مەن ەنەرگەتيكا مينيسترلىكتەرى اراسىنداعى ەرەجەلەرگە ءبىرقاتار تۇزەتۋلەر ەنگىزىلۋىنە سايكەس، تجق بنا كودتارىن جاساۋ جونىندەگى جۇمىستار 2022 جىلدىڭ 1 شىلدەسىنەن باستاپ كۇشىنە ەنبەك. الايدا ءىس جۇزىندە كوپتەگەن جەر قويناۋىن پايدالانۋشى كومپانيالار بۇل تاراپتاعى جۇمىستار 2020 جىلدان باستالعانىنا قاراماستان ءبىرىڭعاي انىقتامالىق جۇيەسىنە كوشۋگە اسىقپاي وتىر.
«تجق بنا قۇقىق يەلەنۋشىسى – «سامۇرىق-قازىنا كونتراكت» ج ش س. قازىرگى تاڭدا بارلىق جەر قويناۋىن پايدالانۋشىلار كەلىسىمشارت جاساسۋ جونىندەگى شارالاردى جانە دە تجق بنا قاجەتتى جانە قولدانىستا جوق كودتارىن جاساۋ جونىندەگى جۇمىستى جەدەلدەتۋى قاجەت. وسىعان سايكەس ءبىز بىرنەشە رەت «رەەستر» مەملەكەتتىك اقپاراتتىق جۇيەسىندە ءتيىستى حابارلاما بەرگەن بولاتىنبىز»، – دەپ اتاپ ءوتتى ءىلياس وسپانوۆ.
يندۋستريالىق دامۋ كوميتەتى ءتوراعاسىنىڭ اقپاراتىنا سۇيەنەر بولساق، بۇگىندە كوپتەگەن ءىرى كومپانيالار اتالعان باعىت بويىنشا جۇمىستاردى باستاپ كەتكەن. ماسەلەن، 2022 جىلعى 31 مامىرىنا دەيىن «سامۇرىق-قازىنا كونتراكت» ج ش س 94 جەر قويناۋىن پايدالانۋشى ۇيىممەن كەلىسىمشارت جاساستى. سونداي-اق تجق بنا اج-دە 113 پايدالانۋشى تىركەلىپ، ولار جاڭا كودتى جاساۋعا 11 929 ءوتىنىش جىبەرگەن.
سونىمەن قاتار ونلاين رەجيمدەگى باسقوسۋ بارىسىندا QazIndustry تاراپىنان «جەر قويناۋىن پايدالانۋ جونىندەگى وپەراسيالاردى جۇرگىزۋ كەزىندە پايدالانىلاتىن تاۋارلاردىڭ، جۇمىستار مەن كورسەتىلەتىن قىزمەتتەردىڭ جانە ولاردى وندىرۋشىلەردىڭ ءتىزىلىمى» مەملەكەتتىك اقپاراتتىق جۇيەسىنە مودەرنيزاسيا جۇرگىزىلگەندىگى بەلگىلى بولدى.
اتاپ ايتقاندا، اتالعان جۇيەنىڭ IP-مەكەنجايى وزگەرتىلىپ، مالىمەتتەردى بنا اج-عا جىكتەۋ جۇمىستارى ورىندالعان. قازىرگى تاڭدا جاڭا جۇيەنى ىسكە قوسۋعا دايىندىق جۇرگىزىلۋدە.
بيىلعى جىلدىڭ ماۋسىم ايىنىڭ اياعىنا قاراي «رەەستر» مەملەكەتتىك اقپاراتتىق جۇيەسى رەسمي تۇردە ىسكە قوسىلىپ، پايدالانۋشىلار جاڭارتىلعان جۇيەگە تىركەلە الادى.