سپورتشىنىڭ UFC-دەگى العاشقى جەڭىسى
قىتايدا تۇراتىن قازاق فايتەرى سايران نۇردانبەك (19-4) UFC-دەگى ەكىنشى ايقاسىن وتكىزدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
Sports.kzء-تىڭ مالىمەتىنشە، ول لاس-ۆەگاستا وتكەن UFC Fight Night 198 تۋرنيرىندە امەريكالىق شون سوريانومەن (14-7) جەكپە-جەككە شىقتى. جارتىلاي جەڭىل سالماقتاعى ايقاس ءۇش راۋندقا سوزىلىپ، تورەشىلەردىڭ ءبىراۋىز شەشىمىمەن نۇردانبەكتىڭ جەڭىسىمەن اياقتالدى. سايران نۇردانبەك بۇل جەكپە-جەكتە اندەردوگ سانالعانىن ايتا كەتەيىك.
وسىلايشا، سايران نۇردانبەك MMA-دەگى كاسىبي مانسابىندا جيىرماسىنشى رەت جەڭىسىنە جەتتى، ال شون سوريانو وسىمەن سەگىزىنشى رەت جەڭىلىپ وتىر.
ايتا كەتەيىك، قازاق فايتەرى ءۇشىن بۇل UFC-دەگى العاشقى جەڭىسى. ول پروموۋنشىندا ءبىرىنشى رەت مامىردا ونەر كورسەتكەن، الايدا تورەشىلەردىڭ ءبىراۋىز شەشىمىمەن اۋستراليالىق دجوشۋا كۋليباودان (9-1-1) جەڭىلىپ قالدى.
Ultimate Fighting Championship – اقش-تا، لاس-ۆەگاستا ورنالاسقان امەريكالىق سپورت ۇيىمى. ول الەم بويىنشا ارالاس جەكپە-جەكتەر وتكىزىپ وتىرادى.