«دارمەن» ءموبيلدى قوسىمشاسى ارقىلى ەكى داۋىلدى ەسكەرتۋ تاراعان
2021 جىلعى 20 قاراشادا الماتى وبلىسى تجد قۇتقارۋشىلارى ادامداردى قار قۇرساۋىنان ەۆاكۋاسيالاۋ بويىنشا اۆاريالىق-قۇتقارۋ جۇمىستارىنا 3 رەت شىقتى، دەپ حابارلايدى Almaty-akshamy.kz.
العاشقى قوڭىراۋ وبلىستىق تجد-نە ساعات 16.30-دا كەلىپ ءتۇستى، الاكول اۋدانىندا «ءۇشارال-دوستىق» اۆتوجولىندا، «جالاڭاشكول» ۋچاسكەسىندە قار قۇرساۋىندا جەڭىل اۆتوكولىك تۇرىپ قالعانى جانە وندا 3 ادام، ونىڭ بىرەۋى بالا ەكەندىگى حابارلاندى. شاقىرۋ ورنىنا دوستىق ستانسياسىنان №20 ءورت ءسوندىرۋ ءبولىمىنىڭ قىزمەتكەرلەرى شىقتى. وقيعا ورنىنا كەلگەن بويدا شقو جاعىنىن قوزعالىپ كەلە جاتقان «Toyota Camry» ماركالى اۆتوكولىگى وزدىگىنەن قار قۇرساۋىنان شىققانى انىقتالدى، اتالعان كولىك تجد قىزمەتكەرلەرىنىڭ ەرىپ جۇرۋىمەن دوستىق ستانسياسىنا دەيىن جەتكىزىلدى»،-دەلىنگەن حابارلامادا.
ەكىنشى شاقىرتۋ ساعات 17.40-تا سونداي-اق الاكول اۋدانىنان كەلىپ تۇسكەن، كوكتۇما اۋىلىنان 15 شاقىرىم جەردە الاكول كولىنىڭ جاعالاۋىندا قار قۇرساۋىندا تراكتور كولىگى تۇرىپ قالىپ، سالوندا 2 ادام بار ەكەندىگى حابارلانعان. شاقىرۋ ورنىنا اقشي اۋىلىنان الاكول ءوڭىرىنىڭ جەدەل-قۇتقارۋ جاساعىنىڭ قۇتقارۋشىلارى شىقتى. ساعات 20.25-تە ەكى ەرەسەك ادام كوكتۇما اۋىلىنا ەۆاكۋاسيالاندى.
ءۇشىنشى شاقىرۋ ساعات 18.20-دا كەربۇلاق اۋدانىندا قويانكوز اۋىلىنان 30 شاقىرىم جەردە، «ءجۇزاسۋ» ۋچاسكەسى، تاۋلى جەر، اۋىل جولىىندا «Toyota Hilux» ماركالى جول تالعامايتىن كولىك قار قۇرساۋىندا قالىپ قويدى، سالوندا 4 ەرەسەك ادام بار ەكەندىگى حابارلانعان. ساعات 23.30-دا سارىوزەك اۋىلىنىڭ №19 ءورت ءسوندىرۋ ءبولىمى قىزمەتكەرلەرىنىڭ كۇشىمەن وسى اۆتوكولىكتەن بارلىق جولاۋشىلار شارۋا قوجالىعىنىڭ اۋماعىنا ەۆاكۋاسيالاندى.
«ەۆاكۋاسيالانعانداردىڭ ەشقايسىسى زارداپ شەككەن جوق جانە مەديسينالىق كومەككە مۇقتاج ەمەس»،-دەلىنگەن حابارلامادا.
ەستەرىڭىزگە سالا كەتەيىك، 2021 جىلدىڭ 20 قاراشاسىندا الماتى وبلىسى تجد سمس جولداۋ، ب ا ق جانە «دارمەن» ءموبيلدى قوسىمشاسى ارقىلى ەكى داۋىلدى ەسكەرتۋ تاراعان بولاتىن:
1 - الماتى وبلىسىنىڭ الاكول كولدەرى اۋدانىندا وڭتۇستىك-شىعىستان جەل سوعادى، جەلدىڭ ەكپىنى 23-28 م/س جەتەدى؛
2 - 20 قاراشا كۇنى ساعات 14.30-دان باستاپ اۋا رايىنىڭ ناشارلاۋىنا بايلانىستى (قاتتى بوران، بۇرقاسىن) رەسپۋبليكالىق ماڭىزى بار "ءۇشارال-دوستىق" اۆتوجولىندا (84-تەن 184 شاقىرىمىنا دەيىن) بارلىق اۆتوكولىك تۇرلەرى ءۇشىن قوزعالىس جابىلدى.
ءوز كەزەگىندە الماتى وبلىسىنىڭ تجد ازاماتتارعا قىستا الىس جولعا شىعار الدىندا مىندەتتى تۇردە اۋا رايى بولجامىمەن تانىسۋ، 112 قىزمەتىنىڭ سمس حابارلامالارىن ەلەمەۋ جانە توتەنشە جاعدايلاردا سىزگە كومەكتەسە الاتىن بارلىق قاجەتتى زاتتاردى وزىمەن بىرگە الىپ ءجۇرۋ قاجەتتىگىن ەسكەرتەدى.