ساۋدا-ساتتىق جاندانۋدا.
ەلىمىزدىڭ سىرتقى تاۋار اينالىمى ارتىپ كەلەدى، دەپ حابارلايدى Almaty-akshamy.kz.
بيىلعى جىلدىڭ كورسەتكىشتەرىنە قاراعاندا، قازاقستاننىڭ سىرتقى ساۋدا-ساتتىق كولەمى ايتارلىقتاي وسكەن. بۇل جونىندە ساۋدا جانە ينتەگراسيا ۆيسە-مينيسترى جانەل كۋشۋكوۆا ءمالىم ەتتى. ونىڭ دەرەگىنشە، سوڭعى بەس ايدىڭ ىشىندە عانا ەلىمىزدىڭ سىرتقى تاۋار اينالىمى الەمدىك ەكونوميكانىڭ ناشارلاۋىنا قاراماستان 36،5 ملرد دوللارعا جەتكەن.
بۇل ورايدا ءوسىمدى قامتاماسىز ەتۋدە شيكىزاتتىق ەمەس تاۋارلار ەكسپورتىنىڭ ۇلەسى باسىم.
وتكەن جىلدىڭ سايكەس مەرزىمىمەن سالىستىرعاندا، شەتەلدەرگە وتاندىق ءونىمدى جەتكىزۋ كولەمى 23% ۇلعايىپ، 7 ملرد 200 ملن دوللاردى قۇراعان.