قازاقتىڭ جاس كومپوزيتورى شەتەلدە مويىندالۋدا

قازاقتىڭ ۇلى الەمدى تاڭعالدىرۋدا!

گەرمانيانىڭ تانىمال باسپاسى قازاقستاندىق كومپوزيتوردىڭ پارتيتۋراسىن شىعاردى، دەپ حابارلايدى Almaty-akshamy.kz Qazaqtv.com cايتىنا سىلتەمە جاساپ.

قازاقستاندىق كومپوزيتوردىڭ تۋىندىلارىن «Verlag Neue Musik» گەرمانيانىڭ بەدەلدى مۋزىكالىق باسپاسى باسىپ شىعارادى. راحات-بي ءابدىساعىننىڭ ورگانعا جازعان پارتيتۋراسى وسى ەلدىڭ بارلىق مۋزىكا دۇكەنىندە ساتىلادى. سونداي-اق ەلدىڭ ۇلتتىق كىتاپحاناسى جانە كونسەرۆاتوريالار مەن ۋنيۆەرسيتەتتەرىنە تابىستالادى. وسىعان دەيىن بۇل باسپا راحات-بي ءابدىساعىننىڭ سىبىزعى جانە گيتاراعا ارنالعان تۋىندىلارىن دا جاريالاعان ەدى.

جالپى، «Verlag Neue Musik» 60 جىل بويى اتاقتى كلاسسيكتەرمەن قاتار دارىندى جاس كومپوزيتورلاردىڭ شىعارمالارىن شىعارىپ كەلەدى.

«Verlag Neue Musik» باسپاسىنىڭ شەف-رەداكتورى كريستوف تاگگاتس وتانداسىمىزدىڭ دارىنىن ەرەكشە باعالاۋدا.

«بەتحوۆەن سەكىلدى كلاسسيكتەرمەن قاتار، گەرمانيا، يتاليا، فرانسيا جانە انگليانىڭ بەلگىلى زاماناۋي كومپوزيتورلارىنىڭ تۋىندىلارىن باسىپ شىعارامىز. راحات-بي ءابدىساعىن – ءبىز ارىپتەستىك ورناتقان العاشقى قازاقستاندىق كومپوزيتور. ونىڭ دارىنىن بۇرىننان بەرى بىلەمىز. جەكە ءوزىم ونىمەن تانىسپىن. مۋزىكاسىن تىڭداعاندا، شىعارمالارىنىڭ بىرەگەي ءستيلىن تانيمىن. ءوزىنىڭ دارا ءتىلى بار. ساتۋمەن قاتار، ونىڭ ەڭبەكتەرىن كونسەرۆاتوريالاردىڭ دوسەنتتەرىنە تابىستايمىز. ستۋدەنتتەرگە كورسەتۋگە بولادى»، - دەدى شەف-رەداكتور كريستوف تاگگاتس.