نارىقتا ەل ۇلەسىنىڭ ءباسى ارتۋدا
قازاقستاندىق ەلەكتروۆوزدار ەكسپورتقا شىعارىلادى، دەپ حابارلايدى Almaty-akshamy.kz Qazaqtv.com سايتىنا سىلتەمە جاساپ.
قازاقستاندىق ەلەكتروۆوزداردى سىرتقى نارىقتارعا جەتكىزۋ ءىسى ىلگەرىلەيدى.
ەلىمىزدىڭ ساۋدا جانە ينتەگراسيا مينيسترلىگى مەن الەمدەگى ەڭ ءىرى ماشينا جاساۋ كومپانياسى «Alstom» اراسىندا ىنتىماقتاستىق تۋرالى مەموراندۋمعا قول قويىلدى.
قۇجات اياسىندا ەكىجاقتى ىنتىماقتاستىقتى نىعايتۋ، ونىڭ ىشىندە وتاندىق قۇراستىرۋ تەحنيكاسىن شەتەلگە شىعارۋ، سونداي-اق جەرگىلىكتى الەۋەتتى ارتتىرۋ جوسپارلانۋدا. شىعارىلاتىن ەلەكتروۆوزدارداعى جەرگىلىكتى قامتۋ ۇلەسى بۇگىندە 40% قۇرايدى، ونى جاقىن ارادا 60% دەيىن جەتكىزۋ كوزدەلگەن.
«وتاندىق ماتەريالدىڭ ۇلەسىن ارتتىرۋدان تەحنيكانىڭ قۇنى ارزانداپ، باسەكەلەستىككە قابىلەتتىلىگى ارتۋى ءتيىس. ارالاس ءوندىرىس دامىپ، 2025 جىلعا دەيىن شيكىزاتتىق ەمەس ەكسپورتتى ەكى ەسەلەۋ تۋرالى ماقساتىمىزعا جەتۋگە كومەكتەسەتىن بولادى»، - دەدى ق ر ساۋدا جانە ينتەگراسيا ءمينيسترى باقىت سۇلتانوۆ.