الداعى جىلدارى 9 ءىرى سۋ قويماسى سالىنادى
ۇكىمەت وتىرىسىندا بەلگىلى بولعانداي، رەسپۋبليكادا الداعى 5 جىلدا ۇزىندىعى 2،5 مىڭ كيلومەترگە جۋىق 120 كانال قايتا جاڭعىرتىلىپ، 9 ءىرى سۋ قويماسى سالىنادى، دەپ حابارلايدى Almaty-akshamy.kz
«جاڭا نىسانداردى سالۋ جانە جۇمىس ىستەپ تۇرعاندارىن جاڭعىرتۋ، سونداي-اق سۋ ۇنەمدەۋ تەحنولوگيالارىن قولدانۋ جىل سايىن 6،4 تەكشە كم كولەمىندە قوسىمشا سۋ رەسۋرستارىن جيناقتاۋدى قامتاماسىز ەتەدى»، – دەپ اتاپ ءوتتى پرەمەر-مينيستر.
بۇل ەلدەگى سۋارمالى جەرلەردىڭ كولەمىن كەڭەيتۋگە جانە، تۇتاستاي العاندا، ەكونوميكانىڭ بارلىق سالاسىنىڭ ءتيىمدى دامۋىنا ىقپال ەتەدى. بۇعان دەيىن ەل پرەزيدەنتى قاسىم-جومارت توقايەۆ وسىنداي مىندەت قويعانىن ايتا كەتكەن ءجون. جالپى، 2030 جىلعا قاراي سۋارمالى القاپتاردى 3 ملن گەكتارعا دەيىن جەتكىزۋ جوسپارلانىپ وتىر. جاۋاپتى ۆەدومستۆولار مەن اكىمدىكتەرگە ءتيىستى جول كارتالارىن ازىرلەۋ تاپسىرىلدى.