ەل ازاماتتارىنىڭ قازاق ۇلتىنا جاتاتىندىعىن ايقىنداۋ جونىندەگى قاعيدالار ازىرلەنەدى.
قۇجات 10 ماۋسىمعا دەيىن اشىق تالقىلاۋعا ۇسىنىلعان، دەپ حابارلايدى Almaty-akshamy.kz
ەڭبەك جانە حالىقتى الەۋمەتتىك قورعاۋ مينيسترلىگى ق ر ۇكىمەتىنىڭ 2017 جىلعى 18 اقپانداعى "قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگىنىڭ كەيبىر ماسەلەلەرى" قاۋلىسىنا تولىقتىرۋ دايىندادى.
اتاپ ايتقاندا، ەرەجەگە كەلەسى جاڭا فۋنكسيا قوسىلدى:
جەكە باسىن كۋالاندىراتىن قۇجاتتاردا، سونداي-اق باسقا دا قۇجاتتاردا ۇمىتكەرلەردىڭ ۇلتىن راستايتىن ءتيىستى جازبا بولماعان جاعدايدا، قانداس مارتەبەسىن جانە جەڭىلدەتىلگەن تارتىپپەن (تىركەۋ تارتىبىمەن) قازاقستان رەسپۋبليكاسىنىڭ ازاماتتىعىن الۋعا ۇمىتكەر ادامداردىڭ ۇلتى قازاق ەكەنىن ايقىنداۋ قاعيدالارىن ازىرلەۋ جانە بەكىتۋ؛
ايتا كەتەيىك، 2024 جىلعى 1 مامىرداعى جاعداي بويىنشا 5 926 ەتنيكالىق قازاق تاريحي وتانىمەن تابىسىپ، قانداس مارتەبەسىن الدى. جالپى 1991 جىلدان بەرى رەسپۋبليكاعا 1 ملن 134،3 مىڭ ەتنيكالىق قازاق ورالدى.