«ميراس-استانا» حالىقارالىق مەكتەبىنىڭ وقۋشىسى ساياجان جاقسىعالييەۆا لوس-اندجەلەستە وتكەن Regeneron ISEF – 2024 ءىرى عىلىمي-ينجەنەرلىك بايقاۋىندا جەڭىسكە جەتتى. كورول ابدۋل-ازيز نەگىزىن قالاعان «ماۆحيبا» قورىنان جەڭىمپاز كورول فاحد اتىنداعى مۇناي جانە پايدالى قازبالار ۋنيۆەرسيتەتىندە وقۋعا گرانت ۇتىپ الدى، دەپ حابارلايدى اlmaty-akshamy.kz.
«مەن مۇنداي جوعارى ماراپاتقا يە بولادى دەپ كۇتكەن جوقپىن. جەڭىمپازدار جاريالانعان كەزدە قاتتى ۋايىمدادىم. حيميا جانە ينجەنەريا ساناتىندا تاعى ەكى قاتىسۋشى بولدى. مەنىڭ اتىم اتالعان كەزدە مەن ونى تۇسىنبەدىم، ويتكەنى ونى ساياسان زاكسيگاليەۆا ايتقان (كۇلەدى). سوندىقتان كىمنىڭ اتىن اتاپ جاتقانىن ماعان ءتۇسىنۋ قيىن بولدى. سودان كەيىن ءوز اتىمدى ۇلكەن ەكراندا كورىپە قاتتى تاڭ قالدىم. قۋانىشتان توبەم كوككە ەكى جەتپەي قالدى!»، - دەپ ساياجان ءوز اسەرىمەن ءبولىستى.
Regeneron ISEF-13 پەن 18 جاس ارالىعىنداعى وقۋشىلاردىڭ عىلىمي جانە ينجەنەرلىك جەتىستىكتەرىنىڭ دۇنيەجۇزىلىك بايقاۋى. ول جاس عالىمداردى انىقتاۋعا جانە قولداۋعا، قولدانبالى جانە ىرگەلى عىلىمدار سالاسىنداعى زەرتتەۋلەردى دامىتۋعا باعىتتالعان. بايقاۋعا الەمنىڭ 70-تەن استام ەلىنەن بارلىعى 2000 وقۋشى قاتىستى. ساياجان جاقسىعالييەۆا اۋىر مەتالداردان سۋدى تازارتۋ ءۇشىن تابيعي پوليسوربەنت ءدياتوميتىن قولدانۋدى ۇسىنا وتىرىپ، حيميا جانە ينجەنەريا بويىنشا عىلىمي جوبانى ۇسىندى. جوبا يدەياسىن حيميا ءپانىنىڭ ءمۇعالىمى اسىلحان جۇمات ۇسىندى.
«ءاربىر وقىتۋشى ءۇشىن وقۋشىنىڭ جەتىستىكتەرى ونىڭ مانسابىنداعى ەڭ ماڭىزدى كورسەتكىش بولىپ تابىلادى. ساياجان جەڭگەن كەزدە مەنىڭ بويىمدى ماقتانىش سەزىمى بيلەدى. ءار مۇعالىمگە مۇنداي جاعدايدى باستان كەشىرۋ مارتەبەسى بەرىلمەيدى»، - دەپ ءبولىستى اسىلحان جۇمات.