ەگەر توڭازىتقىشتا مايونەز بولاتىن بولسا، كرەم ىزدەپ اۋرە بولماڭىز.
مايونەزدى تاعامعا عانا ەمەس ءۇي-تۇرمىستا دا پايدالانۋعا بولادى، دەپ حابارلايدى Almaty-akshamy.kz Ernur.kz-كە سىلتەمە جاساپ.
تەرى مەن تىرناق كۇتىمىنە
ەگەر توڭازىتقىشتا مايونەز بولاتىن بولسا، كرەم ىزدەپ اۋرە بولماڭىز. مايونەز تەرىنى وتە جاقسى ىلعالداندىرادى. ول ءۇشىن مايونەزدى كەرەك جەرگە ۋقالاي وتىرىپ جاعۋ كەرەك. مىندەتتى تۇردە اسەرى بولادى.
قارىنداشتىڭ ءىزىن جويادى
بالالار قابىرعاعا سۋرەت سالۋعا وتە قۇمار. بالالاردىڭ قابىرعاعا قارىنداشپەن سالعان سۋرەتتەرىن كەتىرۋگە مايونەز جاقسى كومەكتەسەدى. ول ءۇشىن سىزىلعان جەرگە مايونەز جاعىپ 10-15 مينۋتقا قالدىراسىز، كەيىن سۋلىقپەن ءسۇرتىپ الاسىز. قابىرعاڭىز تاپ-تازا بولىپ شىعا كەلەدى.
شاشقا ارنالعان ماسكا
مايونەز تەرىنى ىلعالداندىرىپ قانا قويمايدى، سونىمەن بىرگە شاشقا دا جاقسى كومەكتەسەدى. ونىڭ قۇرامىنداعى ماي مەن قىشا شاشقا وتە جاقسى كومەكتەسەدى. ول ءۇشىن بار بولعانى مايونەزدى شاشقا مولىنان جاعىپ، قالتاشا كيىپ الاسىز. 15 مينۋتتان كەيىن شاشتى جىلى سۋمەن شايىپ، ارتىنان سۋسابىنمەن جۋىپ تاستايسىز. شاش جۇمسارىپ، ەرەكشە جىلتىرايتىن بولادى.
ەسىك توپسالارىن مايلاۋ
ۇيدەگى ەسىك تەرەزەلەردىڭ توپساسىنىڭ سىقىرلاعانىن مايونەز جاعىپ باسۋعا بولادى. توپساعا ازىراق تۇزدىق جاعىپ، سىقىرى باسىلعانشا اشىپ-جاۋىپ جىبەرەسىز بولدى. ال ارتىق مايونەز قالعان بولسا ءسۇرتىپ الاسىز.
بولاتتان جاسالعان زاتتارداعى داقتاردى كەتىرۋ
ول ءۇشىن بار بولعانى سۋلىققا ازىراق مايونەز قۇيىپ بولاتتان جاسالعان زاتىڭىزدى ىسقىلاپ سۇرتەسىز. قولدىڭ ءىزى، سۋ مەن سابىننان قالعان ايعىزدانعان ىزدەر بىردەن جوق بولادى. زاتىڭىز دۇكەننەن جاڭا الىنعانداي جارقىراپ شىعا كەلەدى.
سمولا مەن مازۋتتى جاققسى كەتىرەدى
ەگەر قولىڭىز سمولا، مازۋت نەمەسە سول تەكتەس زاتتارمەن بىلعانىپ قالسا، وندا مايونەز جاعىپ كەتىرە الاسىز. ول ءۇشىن مايونەزدى قولعا جاعىپ ىسقىلاپ 5-7 مينۋت قالدىراسىز. كەيىن جاقسىلاپ جۋىپ-شايىپ تاستايسىز.
شاشقا جابىسقان ساعىزدى تەز الادى
شاشقا جابىسقان ساعىزدى مايونەزبەن تەز-اق الىپ تاستاۋعا بولادى. ساعىز جابىسقان شاش بولىگىنە مايونەز جاعىپ 5-10 مينۋتقا قالدىرىپ قويۋ كەرەك. كەيىن جۋىپ، تازالاپ تاستايسىز.
جابىسقاق تاسپا ءىزىن كەتىرەدى
جابىسقاق تاسپا ءىزىن كەتىرە الماي اۋرەگە تۇسكەن بولساڭىز، وندا ول ىسكە مايونەز جاقسى كومەكتەسەدى. كوپ ۋاقىت پەن كۇشتى قاجەت ەتپەي، جىلدام كەتىرەدى. قاجەتتى جەرگە قالىڭ ەتىپ مايونەز جاعىپ قويىڭىز، 15-20 مينۋتتان كەيىن ىسقىلاپ، تازارتىپ الاسىز.
بيتتەن تازارتادى
ءقازىر بيتتەيتىن شاشتار از شىعار، دەگەنمەن كەيدە بالاباقشا، مەكتەپتەن بالالردىڭ بيت جۇقتىرىپ الاتىنى بار. ودان ارىلۋدىڭ ءتۇرلى قۇرالدارى شىققانىمەن كەيبىرى زيانسىز دەي المايمىز. ال مايونەز تابيعي، ەشقانداي كەرى اسەرى جوق. بار بولعانى جاتاردا بيتتەگەن شاشقا مولىنان مايونەز جاعىپ، ورامال تاڭىپ قويىڭىز. تاڭەرتەڭ جاقسىلاپ تاراپ، جۋىپ الاسىز.
جيھاز بەتىندەگى سۋ ىزدەرىن كەتىرەدى
جيھاز بەتىندە، اسىرەسە اسۇيدەگى جيھازداردا سۋ ىزدەرى قالىپ، ايعىزدانىپ، وڭايلىقپەن كەتە قويمايدى. بۇل جەردە دە مايونەز كەرەمەت كومەكشى بولا الادى. ول ءۇۇشىن مايونەزدى داق تۇرعان جەرگە جاعىپ، 48 ساعاتقا قالدىراسىز. ەكى تاۋلىكتەن سوڭ ءسۇرتىپ، تازارتىپ الاسىز. سونداي-اق جيھاز بەتىندەگى سىزىلعان ىزدەردى كەتىرۋگە دە مايونەز پايدالانساڭىز بولادى. مايونەزدى سىزىلعان جەرگە جاعىپ 1 تاۋلىككە قالدىراسىز. كەيىن ءسۇرتىپ الاسىز.