Qazaq Air اۋە كومپانياسىنىڭ ءبىر توپ ۇشقىشى باسشىلىققا ۇندەۋ جاسادى، - دەپ حابارلايدى aqshamnews.kz ءتىلشىسى كولىك مينيسترلىگىنە سىلتەمە جاساپ.
وقيعانىڭ ءمان-جايى
11 قازاندا QazaqAir كومپانياسىنىڭ قوستاناي - استانا رەيسىن ورىنداعان جولاۋشىلار ۇشاعى تەحنيكالىق اقاۋعا بايلانىستى ۇشىپ شىققان اۋەجايىنا قايتا ورالدى. اۋە كومپانياسى مالىمەتىنشە، ۇشۋ پروسەسى توقتاتىلىپ، بورت ءقاۋىپسىز تۇردە تۇراققا قايتارىلعان. كەيبىر جولاۋشىلار ءشاسسيدىڭ ماڭىندا جارقىل بايقاعانىن ايتقان، بۇل تەحنيكالىق تەكسەرىستە ەسكەرىلەدى.
اقاۋدى جويۋ ءۇشىن كومپانيانىڭ تەحنيكالىق توبى قوستانايعا جىبەرىلدى. جولاۋشىلارعا ءقوناقۇي، بيلەت قۇنىن تولىق قايتارۋ نەمەسە باسقا رەيستەرگە اۋىستىرۋ سياقتى بارلىق قاجەت قولداۋ ۇسىنىلدى. QazaqAir جولاۋشىلار مەن ەكيپاج قاۋىپسىزدىگى باسىمدىق ەكەنىن، بارلىق ارەكەت حالىقارالىق ۇشۋ قاۋىپسىزدىگى ستاندارتتارىنا ساي اتقارىلاتىنىن اتاپ ءوتتى.
كەيىن كولىك مينيسترلىگى بۇل وقيعا بويىنشا كوميسسيا قۇرىلىپ، تەرگەۋ جۇرگىزىلەتىنىن حابارلادى.
ۇشقىشتاردىڭ كومپانياعا ۇندەۋى
كولىك مينيسترلىگى اۋە كومپانياسىنان ۇشقىشتار توبىنىڭ ۇندەۋىن قولدانىستاعى زاڭناماعا سايكەس قاراۋدى تالاپ ەتتى.
"ۇندەۋدە نەگىزگى تالاپتار رەتىندە: تۇنگى رەيستەرگە تولەم تاسىلدەرىن قايتا قاراۋ؛ اۋە كەمەسى كومانديرلەرىنىڭ جالاقىسىن كوتەرۋ؛ ەكىنشى ۇشقىشتاردىڭ جالاقىسىن ارتتىرۋ؛ بارلىق ۇشقىش تولەنەتىن اقى مولشەرىن كوبەيتۋ"، - دەلىنگەن حابارلامادا.
اقپارات ءۇشىن: Qazaq Air اۋە كومپانياسىنىڭ 49 پايىزى Sovico توبىنا، تاعى 49 پايىزى سامۇرىق قازىناعا، ال 2 پايىزى Kazasia Holding Limited كومپانياسىنا تيەسىلى.