يتاليالىق اياق كيىم فابريكاسىنىڭ باسشىسى لەتيسيا گاللي 105 جاسىن جۇمىس ورنىندا اتاپ ءوتتى. كومپانيا ۇجىمى وعان ارناپ شاعىن مەرەكە ۇيىمداستىرىپ، جەلىدە ۆيدەوسىن جاريالادى، - دەپ حابارلايدى ءتىلشىسى aqshamnews.kz "دوكتور پيتەرگە" سىلتەمە جاساپ.
لەتيسيانىڭ ارىپتەستەرى تورتپەن ونىڭ كابينەتىنە كىرگەندە، ول ۇستەلىندە قۇجاتتارمەن جۇمىس ىستەپ وتىرعانى كورىنەدى.
لەتيسيا گالليدىڭ ءومىرى 1926 جىلى اكەسى نەگىزىن قالاعان كومپانيامەن تىعىز بايلانىستى. 1939 جىلى اكەسى قايتىس بولعاننان كەيىن 19 جاستاعى لەتيسيا فابريكانى باسقارۋدى ءوز موينىنا الدى. سوعىس ۋاقىتىنداعى قيىندىقتارعا قاراماستان، كومپانيانى ساقتاپ قانا قويماي، نىعايتا ءبىلدى. 2005 جىلى باسقارۋ وتباسىنىڭ ءۇشىنشى بۋىنىنا بەرىلسە دە، لەتيسيا ءالى دە بەلسەندى جۇمىس ىستەپ كەلەدى.
ءوزى ۇزاق عۇمىر يەسى بولسا دا، "جاسىم زەينەتكە شىعۋعا سەبەپ ەمەس" دەيدى. ول قوعامعا كەرەك ەكەنىن سەزىنىپ، ەڭبەك ەتۋدى جالعاستىرۋعا تىرىسادى.
جەلى قولدانۋشىلارى ونىڭ ومىرسۇيگىش مىنەزى مەن ەنەرگياسىنا ءتانتى بولدى.
ماماندار بەلسەندى ۇزاق ءومىر ءسۇرۋدى سۇيىكتى ىسىنە ادال بولۋمەن بايلانىستىرادى. ارىپتەستەردىڭ قۇرمەتى، بىرگە وتكىزگەن مەرەكەلەر، ءبىر شىنىاياق شاي باسىنداعى اڭگىمە - كۇشتى انتيسترەسس فاكتورلار. الەۋمەتتىك بەلسەندىلىك دەپرەسسيا، ۇرەي جانە جۇرەك-قان تامىر اۋرۋلارىنىڭ ءقاۋپىن تومەندەتەدى.