سىرتقى ىستەر ءمينيسترى ەرمەك كوشەربايەۆ قاتار مەملەكەتىنىڭ پرەمەر-مينيسترى – سىرتقى ىستەر ءمينيسترى شەيح مۇحاممەد بەن ابدۋلراحمان ءال تانيعا كوڭىل ايتۋ جەدەلحاتىن جولدادى، - دەپ حابارلايدى aqshamnews.kz.
حاتتا ەرمەك كوشەربايەۆ قاتار ءامىرى كەڭسەسى قىزمەتكەرلەرىنىڭ شارم-ەش-شەيح قالاسى ماڭىندا جول-كولىك اپاتىنان قازا بولۋىنا بايلانىستى قازاقستان حالقىنىڭ جانە ءوزىنىڭ شىنايى كوڭىلىن بىلدىرگەن.
مينيستر مارقۇمداردىڭ ايماقتىق بەيبىتشىلىك پەن تۇراقتىلىقتى قامتاماسىز ەتۋ ىسىنە قوسقان زور ۇلەسىن اتاپ ءوتتى. سونداي-اق ول قازاقستاننىڭ قاتارمەن اراداعى ستراتەگيالىق سەرىكتەستىكتى جوعارى باعالايتىنىن جەتكىزدى.
ەسكە سالايىق، بۇعان دەيىن ەگيپەتتە، شارم-ەش-شەيح ماڭىندا قاتار دەلەگاسياسى مىنگەن كولىك اپاتقا ۇشىراعانى حابارلانعان. دەلەگاسيا قۇرامىندا پرەمەر-مينيستردى گازا سەكتورىنداعى جاعداي جونىندەگى كەلىسسوزدەرگە ەرتىپ جۇرگەن ديپلوماتتار بولعان.
قاتاردىڭ ءۇش ديپلوماتى قازا تاۋىپ، تاعى ءۇش ادام اۋىر جاراقات العان.