شەتەلدىكتەر شەكارانى كەسىپ وتكەن ساتتەن باستاپ باقىلاۋعا الىنادى.
قازاقستاندا «ۋچاسكە» جالپى پروفيلاكتيكالىق ءىس-شاراسى بارىسىندا شەتەلدىكتەرگە باقىلاۋ جاسالادى، دەپ حابارلايدى Almaty-akshamy.kz
بۇل تۋرالى ىشكى ىستەر مينيسترلىگى كوشى-قون كوميتەتى ءتوراعاسىنىڭ مىندەتىن اتقارۋشى اسلان اتالىقوۆ بريفينگتە ءمالىم ەتتى.
«شەتەلدىكتەر مەملەكەتتىك شەكارانى كەسىپ وتكەن ساتتەن باستاپ باقىلاۋعا الىنادى. تولىق اقپارات، ءتولقۇجات دەرەكتەرى، كەلۋ ماقساتى، قاي جەردە بولۋ كەرەكتىگى بىردەن ءبىزدىڭ كوشى-قون پوليسياسىنىڭ اقپاراتتىق جۇيەسىنە تۇسەدى. كوشى-قون قىزمەتكەرلەرى شەتەلدىكتەردىڭ تۇرعىلىقتى جەرى مەن جاريالانعان ماقساتىنا سايكەستىگىن تەكسەرۋ ءۇشىن بۇل دەرەكتەردى كۇن سايىن ۋچاسكەلىك پوليسەيگە بەرەدى»، - دەدى اسلان اتالىقوۆ.
ونىڭ ايتۋىنشا، ىشكى ىستەر ورگاندارىنان باسقا، ۇلتتىق قاۋىپسىزدىك كوميتەتى، شەكارا قىزمەتى، ەڭبەك جانە حالىقتى الەۋمەتتىك قورعاۋ مينيسترلىگى، دەنساۋلىق ساقتاۋ مينيسترلىگى دە شەتەلدىكتەردىڭ بولۋىن، ولاردىڭ كەلۋ ماقساتىنا سايكەستىگىن باقىلايدى.
كەلۋشىلەر قازاقستاننىڭ بارلىق زاڭىن ساقتاۋعا ءتيىس. شەتەلدiكتىڭ iس-ارەكەتi مەملەكەتتiك قاۋiپسiزدiكتi قامتاماسىز ەتۋ، قوعامدىق ءتارتiپتi قورعاۋ، حالىقتىڭ دەنساۋلىعىن ساقتاۋ، قۇقىقتارىن قورعاۋ جانە قازاقستان ازاماتتارىنىڭ زاڭدى مۇددەلەرiنە قايشى كەلەتiن بولسا، سوت شەشiمi نەگiزiندە قازاقستان رەسپۋبليكاسىنان شىعارىلۋى مۇمكiن.
شەتەلدىك ازاماتتاردىڭ بارلىق ساناتى قازاقستاندا 30 كۇنگە دەيىن ۋاقىتشا تىركەۋسىز تۇرا الادى. ۇكىمەتتىڭ 2012 جىلعى قاۋلىسىنا سايكەس، ەۋرازيالىق ەكونوميكالىق وداققا مۇشە مەملەكەتتەردىڭ ازاماتتارىنا مەملەكەتتىك شەكارانى كەسىپ وتكەن كۇننەن باستاپ 90 كۇنگە دەيىن قازاقستاندا بولۋعا رۇقسات ەتىلگەن.
اسلان اتالىقوۆتىڭ ايتۋىنشا، جىل باسىنان بەرى ەلىمىزگە 4 ميلليون 399 مىڭ شەتەلدىك كەلگەن. وسى ۋاقىت ىشىندە 4 ميلليون 155 مىڭ شەتەلدىك كەتكەن.