كەزەكتەن تىس پرەزيدەنت سايلاۋى 20 قاراشاعا بەلگىلەنگەن.
ەلىمىزدە 23 قىركۇيەكتەن باستاپ قازاقستان پرەزيدەنتتىگىنە كانديداتتاردى ۇسىنۋ باستالدى. الايدا ازىرگە بىردە-بىر ءوتىنىش تۇسكەن جوق، دەپ حابارلايدى Almaty-akshamy.kz Egemen.kz سىلتەمە جاساپ.
«بۇگىنگە دەيىن ەشكىم ءوزىنىڭ كانديداتۋراسىن ۇسىنعان جوق، بىردە-بىر قوعامدىق بىرلەستىك ءالى ءوزىنىڭ سەزىن نەمەسە كونفەرەنسياسىن وتكىزگەن جوق»، - دەدى ورتالىق سايلاۋ كوميسسياسىنىڭ حاتشىسى مۇحتار ەرمان.
بۇعان دەيىن كانديداتتاردى ۇسىنۋ 11 قازانعا دەيىن جالعاساتىنىن حابارلاعان ەدىك. قازاقستان رەسپۋبليكاسىنىڭ پرەزيدەنتتىگىنە كانديداتتار ۇسىنۋ قۇقىعى بەلگىلەنگەن تارتىپپەن تىركەلگەن رەسپۋبليكالىق قوعامدىق بىرلەستىكتەرگە تيەسىلى.
سونداي-اق وسك پارتياسىز قازاقستاندىقتاردىڭ قازاقستان رەسپۋبليكاسى پرەزيدەنتتىگىنە ۇمىتكەر بولا الاتىنىن ءتۇسىندىردى.