ايلىق ينفلياسيا 1،6%-دى قۇرادى.
ۇلتتىق ستاتيستيكا بيۋروسىنىڭ مالىمەتىنشە، 2022 جىلدىڭ قازان ايىندا قازاقستاندا ايلىق ينفلياسيا 1،6%-دى قۇرادى، جىلدىق ەسەپتە 18،8%-عا ءوستى، دەپ حابارلايدى Almaty-akshamy.kz
ماسەلەن، قازان ايىندا 2022 جىلعى قىركۇيەكپەن سالىستىرعاندا ازىق-تۇلىك ەمەس تاۋارلار مەن اقىلى قىزمەتتەر 1،7%-عا، ازىق-تۇلىك تاۋارلارىنىڭ باعاسى 1،4%-عا قىمباتتادى.
جۋعىش زاتتار مەن تازالاۋ قۇرالدارىنىڭ باعاسى ەڭ جوعارى 5%-عا، كيىم-كەشەك پەن اياق كيىم، جەكە زاتتار، تۇرمىستىق زاتتار 2،1%-عا، ىدىس-اياق 1،9%-عا، توقىما بۇيىمدارى 1،7%-عا قىمباتتادى. كومىر 2،1%-عا، وتىن 1،7%-عا قىمباتتادى.
بۇل رەتتە اقىلى قىزمەتتەردىڭ باعاسى ءبىر ايدا 1،7%-عا ءوستى. اتاپ ايتقاندا، باعانىڭ قىمباتتاۋى ءقوناقۇي قىزمەتتەرىنە 6%-عا، كەشەندى دەمالىس ۇيىمدارىنا 4%-عا، دەمالىس جانە سپورتتىق ءىس-شارالار سالاسىنداعى قىزمەتتەرگە 3،3%-عا، مونشالارعا 3%-عا، بالالاردى دامىتۋ ورتالىقتارىنا 2،9%-عا، قوعامدىق تاماقتاندىرۋ 2،2%-عا ءوستى.
ونىمدەرگە كەلەتىن بولساق، قازان ايىندا ولار جالپى العاندا 1،4%-عا قىمباتتادى. قىزاناق 21%-عا، قيار 14،7%-عا، جۇمىرتقا 6،3%-عا، بالىق جانە تەڭىز ونىمدەرى 2،3%-عا، نان جانە ۇن ونىمدەرى 2،2%-عا، الكوگولسىز سۋسىندار 1،9%-عا، ىرىمشىك پەن سۇزبە 1،8% قىمباتتادى.
بۇل رەتتە ءسابىز 5،6%-عا، قىزىلشا 5،5%-عا، پياز 5،1%-عا، كارتوپ 3،5%-عا، قىرىققابات 2،6%-عا ارزاندادى.
ايتا كەتەيىك، قانت 2،3 پايىزعا ارزاندادى.
جىلدىق ينفلياسيا قازان ايىندا 18،8%-عا ءوستى. اتاپ ايتقاندا، ازىق-تۇلىك تاۋارلارى 23،1%-عا، ازىق-تۇلىك ەمەس تاۋارلارى 17،9%-عا، اقىلى قىزمەتتەر 13،5%-عا قىمباتتادى.
ۇلتتىق ستاتيستيكا بيۋروسىنىڭ مالىمەتىنشە، 2022 جىلعى قاڭتاردان باستاپ تۇتىنۋ باعالارىنىڭ يندەكسىن قۇرۋ كەزىندە ازىق-تۇلىك تاۋارلارىنىڭ ۇلەسى 40،7%، ازىق-تۇلىك ەمەس تاۋارلار 30،2%، اقىلى قىزمەتتەر 29،1% قۇرادى.
قىركۇيەك ايىندا قازاقستاندا ينفلياسيا 17،7%-دى قۇراپ، ءبىر ايدا 1،8%-عا ءوستى.