مينيستر ينتەرنەتتەگى اقاۋلار تۋرالى پىكىر ءبىلدىردى.
29 قىركۇيەكتە مەملەكەتتىك تەحنيكالىق قىزمەت ق ر ينفراقۇرىلىمىنا تولاسسىز شابۋىلدار تىركەگەن، دەپ حابارلايدى Almaty-akshamy.kz
«ونىڭ نە ءۇشىن جانە قايدان كەلگەنىن زەرتتەپ، ينفراقۇرىلىمدى قورعاۋ دەڭگەيىن ارتتىرۋ ءۇشىن ءتيىستى جۇمىستار جۇرگىزىلىپ جاتىر. بۇل جۇمىستار بويىنشا كەيبىر پروبلەمالار تۋىنداۋى مۇمكىن. ءبىراق مەملەكەتتىك تەحنيكالىق قىزمەتتىڭ باستى مىندەتى – قازاقستاننىڭ بارلىق رەسۋرستارىن قورعاۋدى قامتاماسىز ەتۋ»، - دەدى باعدات مۋسين ۇكىمەت كۋلۋارىندا تىلشىلەرگە بەرگەن سۇحباتىندا.
ونىڭ ايتۋىنشا، بۇل تەك مەملەكەتتىك ينفراقۇرىلىمدى قورعاۋ ءۇشىن ەمەس، تۇتاس ينفراقۇرىلىم ءۇشىن دە جاسالادى.
«ءتىپتى بەلگىلى ءبىر مەديانىڭ سايتتارىنا شابۋىلدار جاسالدى، بۇل بارشاڭىزعا ايان. مۇنىڭ الدىن الۋ ءۇشىن ءبىز اقپاراتتىق قاۋىپسىزدىك دەڭگەيىن كوتەرۋىمىز كەرەك. زەرتتەۋ جۇمىستارى وسى دەڭگەيدى ارتتىرۋعا باعىتتالعان. وقىس وقيعا بولىپ، كەدەندىك باقىلاۋ كۇشەيگەندە، لوگيستيكالىق مارشرۋتتاردىڭ ءوتۋ جىلدامدىعى تومەندەيدى عوي، بۇل جەردە دە سولاي»، - دەيدى مينيستر.