بۇعان ازىق-تۇلىك تاۋارلارىنىڭ قىمباتتاپ جاتقانى دا سەبەپ بولعان.
ۇكىمەت باسشىسى ازىق-تۇلىك باعاسىنا بايلانىستى اكىمدىكتەردى سىنعا الدى، دەپ حابارلايدى Almaty-akshamy.kz
پرەمەر-مينيستر ءاليحان سمايىلوۆ مەملەكەتتىك ورگاندار قازاقستاندا ينفلياسيانى تەجەۋ ءۇشىن جەتكىلىكتى شارالار قابىلداماي وتىرعانىن ايتتى.
سمايىلوۆتىڭ ايتۋىنشا، وڭ ديناميكانى ساقتاۋ ءۇشىن ەكونوميكانى ودان ءارى ءارتاراپتاندىرۋ، ينۆەستيسيا تارتۋ جانە تۇراقتى جۇمىس ورىندارىن قۇرۋ بويىنشا جۇمىستى جانداندىرۋ قاجەت.
«ايماق اكىمدىكتەرى جوسپارلانعان كورسەتكىشتەردى ۇستانىپ، ينۆەستيسيا تارتۋ جانە قولداۋ جۇمىستارىن كۇشەيتىپ، ينۆەستيسيالىق جوبالاردىڭ ىسكە اسىرىلۋ بارىسىنا تۇراقتى مونيتورينگ جۇرگىزىپ وتىرۋى كەرەك. سونداي-اق، باعانىڭ ءوسۋىن تەجەۋگە باسا نازار اۋدارۋ قاجەت»، - دەدى سمايىلوۆ.
سونىمەن قاتار، ۇكىمەت باسشىسى قازاندا ينفلياسيا ۇدەپ كەتكەنىن اتاپ ءوتتى.
«بۇل ۇدەرىسكە ەڭ ۇلكەن ۇلەس - ازىق-تۇلىك تاۋارلارىنىڭ قىمباتتاپ جاتقانىنان. بۇل، ەڭ الدىمەن، اكىمدىكتەر تاراپىنان قابىلدانىپ جاتقان شارالاردىڭ جەتكىلىكسىزدىگىن كورسەتەدى. وڭىرلەر جىل اياعىنا دەيىن جوسپارلانعان الەۋمەتتىك-ەكونوميكالىق دامۋ كورسەتكىشتەرىنە قولجەتكىزىپ، مەملەكەت باسشىسى العا قويعان مىندەتتەردىڭ ءتيىمدى ورىندالۋىن قامتاماسىز ەتۋى قاجەت. جىلدىڭ اياقتالۋىنا ەكى ايدان از ۋاقىت قالدى. بارلىق جوبالاردى اياقتاپ، جوسپارلاردى جۇزەگە اسىرۋعا، بيۋدجەتتى ءتيىمدى پايدالانۋعا كۇش سالۋىمىز كەرەك»، - دەدى پرەمەر-مينيستر.