كاپيتالعا سالىنعان ينۆەستيسيالاردىڭ ءوسۋ قارقىنى 6،7%-دى قۇرادى.
ۇلتتىق ەكونوميكا ءمينيسترى الىبەك قۋانتىروۆ ۇكىمەتتىڭ كەزەكتى وتىرىسىندا قازاقستاندا قاي سالالاردىڭ كورسەتكىشتەرى وسكەنىن ايتتى، دەپ حابارلايدى Almaty-akshamy.kz Egemen.kz سىلتەمە جاساپ.
«قاڭتار-قازان ايلارىندا قازاقستان ەكونوميكاسىنىڭ ءوسۋ قارقىنى 2،5%-دى قۇرادى. ونىڭ ىشىندە ناقتى سەكتورداعى ءوسىم - 2،8%-دى، ال قىزمەت كورسەتۋ سالاسىندا - 1،6%-دى قۇرادى»،- دەدى الىبەك قۋانتىروۆ.
ونىڭ ايتۋىنشا، بيىل ەلىمىزدە اۋىل شارۋاشىلىعى، اقپارات جانە بايلانىس، قۇرىلىس، وڭدەۋ ونەركاسىبى، ساۋدا، كولىك جانە قويمالاۋ سالالارىنىڭ كورسەتكىشتەرى ءوستى.
«نەگىزگى كاپيتالعا سالىنعان ينۆەستيسيالاردىڭ ءوسۋ قارقىنى 6،7%-دى قۇرادى. ەكونوميكانىڭ نەگىزگى سالالارى بويىنشا ينۆەستيسيالار اعىنى ونەركاسىپتە - 4،1%-عا، ونىڭ ىشىندە تاۋ-كەن ءوندىرۋ ونەركاسىبىندە - 13،7%-عا، سونداي-اق اۋىل شارۋاشىلىعىندا - 7،4%-عا، جىلجىمايتىن مۇلىكپەن جاسالاتىن وپەراسيالاردا - 14،7%-عا، كولىكتە جانە قويمادا - 8،5%-عا ءوستى»،- دەپ تولىقتىردى مينيستر.