رەسپۋبليكانىڭ باسىم بولىگىندە جاۋىن-شاشىن مولشەرى نورماعا جۋىق بولادى.
قازان – كۇزدەن قىس مەزگىلىنە كوشۋ ۋاقىتى. قازىرگى كەزدە اۋا رايى ءوزىنىڭ توسىنسىيلارىنا تولى، اسىرەسە سولتۇستىك ايماقتاردا كوپتەگەن جىلدار بويى جيناقتالعان مالىمەتتەرگە سايكەس بوران بولۋى، ءتىپتى قار جامىلعىسىنىڭ پايدا بولۋى مۇمكىن، دەپ حابارلايدى Almaty-akshamy.kz 24.kz-كە سىلتەمە جاساپ.
ءبىر ايداعى ورتاشا اۋا تەمپەراتۋراسى ەلدىڭ كوپ بولىگىندە كوپجىلدىق نورماعا جۋىق بولادى دەپ كۇتىلۋدە: ماڭعىستاۋ، اتىراۋ، قىزىلوردا وبلىستارىندا، باتىس قازاقستان، اقتوبە وبلىستارىنىڭ باسىم بولىگىندە، تۇركىستان وبلىسىنىڭ باتىس جارتىسىندا، قاراعاندى وبلىسىنىڭ وڭتۇستىك-باتىسىندا، قوستاناي وبلىسىنىڭ وڭتۇستىگىندە نورمادان 1° جوعارى. رەسپۋبليكانىڭ باسىم بولىگىندە جاۋىن-شاشىن مولشەرى نورماعا جۋىق بولادى دەپ بولجانۋدا. ماڭعىستاۋ، قىزىلوردا وبلىستارىندا، اتىراۋ، اقتوبە، تۇركىستان، جامبىل، الماتى وبلىستارىنىڭ باسىم بولىگىندە، قوستاناي وبلىسىنىڭ وڭتۇستىك جارتىسىندا، قاراعاندى وبلىسىنىڭ باتىسى مەن وڭتۇستىگىندە، شىعىس قازاقستان وبلىسىنىڭ وڭتۇستىك-باتىسىندا نورمادان از جاۋىن-شاشىن كۇتىلەدى. بولجامعا سايكەس، رەسەيدىڭ ەۋروپالىق اۋماعى ارقىلى وتەتىن سكانديناۆيا مەن بارەنس تەڭىزىنىڭ اۋداندارىنان سۋىق انتيسيكلون، قازان ايىنىڭ باسىندا رەسپۋبليكانىڭ باتىس جارتىسىندا اۋا رايىن قالىپتاستىرادى. قازاقستاننىڭ سولتۇستىگىندە، شىعىسىندا، وڭتۇستىك-شىعىسىندا جانە ورتالىعىندا، كەرىسىنشە، باتىس جانە وڭتۇستىك سيكلونداردىڭ جىراسىنان جانە بەلسەندى ءفرونتالدى بولىكتەردىڭ وتۋىنەن جاۋىن-شاشىن بولجانادى (جاڭبىر، قار، تۇمان جانە كوكتايعاق قۇبىلىستارى) – قازاقستاننىڭ تاۋلى اۋداندارىندا قاتتى جاۋىن-شاشىن بولۋى مۇمكىن. ايدىڭ ءبىرىنشى ونكۇندىگىندە سولتۇستىك-باتىس انتيسيكلوننىڭ باتىس وڭىرلەرگە باسىپ كىرۋى، اۋا تەمپەراتۋراسىنىڭ تۇندە 1-3 گرادۋس ايازعا دەيىن، كۇندىز +10+15°س دەيىن تومەندەۋىنە الىپ كەلەدى. قازاقستاننىڭ سولتۇستىك-باتىسىندا، سولتۇستىگىندە، شىعىسىندا جانە ورتالىعىندا اۋا تەمپەراتۋراسى تۇندە -5+5°س-تان -1-8°س-قا دەيىن، كۇندىز +3+10°س-تان 0،+5°س-قا دەيىن تومەندەيدى. ال ءبىرىنشى ونكۇندىكتىڭ ەكىنشى جارتىسىنان باستاپ، رەسپۋبليكانىڭ باسىم بولىگىندە 10-12 گرادۋسقا دەيىن جىلىنادى. قازاننىڭ ەكىنشى جانە ءۇشىنشى ونكۇندىكتەرىندە، جەرورتا تەڭىزى مەن ورتا ازيا اۋداندارىنان وڭتۇستىك-باتىستان جىلى اۋا ماسسالارىنىڭ شىعارىلۋىمەن، جەكەلەگەن كۇندەرى جىلۋدىڭ قىسقا مەرزىمدى تولقىنى كۇتىلەدى. رەسپۋبليكانىڭ وڭتۇستىك-باتىسىندا، وڭتۇستىگىندە، وڭتۇستىك-شىعىسىندا +19+25°س دەيىن جىلىنادى. قازاقستاننىڭ سولتۇستىك جارتىسىندا اۋا تەمپەراتۋراسىنىڭ تۇندە -4-10°س دەيىن، كۇندىز -2+3°س دەيىن، وڭتۇستىك جارتىسىندا – تۇندە -5+5°س دەيىن، كۇندىز +7+12°س دەيىن تومەندەۋى بولجانادى.
ەسكەرتپە: ءبىر ايعا ارنالعان كونسۋلتاسيالىق بولجام، سينوپتيكالىق جاعدايدىڭ وزگەرۋىنە قاراي تۇزەتىلۋى مۇمكىن جانە ونكۇندىك بولجامدارمەن ناقتىلاناتىن بولادى.