قوقيقازدار – جىل قۇسى.
ماڭعىستاۋ وبلىسى اكىمىنىڭ باسپا ءسوز قىزمەتى ايماققا ۇشىپ كەلگەن قوقيقازداردىڭ ۆيدەوسىن جاريالادى، دەپ حابارلايدى Almaty-akshamy.kz.
ماڭعىستاۋعا قوقيقازدار ۇشىپ كەلدى. قاناتتىلار اقتاۋدىڭ جانىندا ورنالاسقان جاساندى قاراكولدە تۇراقتايدى، - دەپ جازدى اكىمدىك باسپا ءسوز قىزمەتى.
«قاراقيا-قاراكول» مەملەكەتتىك تابيعي قاۋمالى - ەرەكشە قورعالاتىن اۋماق. ونىڭ ايماعىنا كىرۋ زاڭمەن رەتتەلەدى. 137 500 گەكتاردى قۇرايتىن بۇل ايماق 1986 جىلدىڭ 17 اقپانىندا قۇرىلعان. ءبىراق ەكولوگتاردىڭ ايتۋىنشا، كول 1964 جىلى پايدا بولعان. ۋاقىت وتە كوكتەمدە جانە كۇزدە بۇل جاساندى كولدىڭ ۇستىنەن جىل قۇستارى ۇشىپ ءوتىپ، كەيبىرى قىستاۋعا قالىپ قوياتىن بولعان.
قوقيقازدار – جىل قۇسى. ول - دەنە ءبىتىمى ەرەكشە، تۇمسىعى يمەك، سيرەك كەزدەسەتىن قۇس.