كومپيۋتەر الدىندا ۇزاق وتىرعان سوڭ كوز شارشايتىنى بەلگىلى. 29 جاستاعى اماندا حان بۇعان ءمان بەرمەگەن، ناتيجەسىندە وعان ءقاۋىپتى دياگنوز قويىلعان، - دەپ حابارلايدى اqshamnews.kz ءتىلشىسى.
بىرنەشە جىل بويى اماندا كەيدە قولى مەن اياعىنىڭ جانسىزداناتىنىن، ەستە ساقتاۋ قابىلەتىنىڭ ناشارلاعانىن بايقاسا دا، وعان ءمان بەرمەگەن. ءبىراق كوزىندەگى قاتتى اۋىرسىنۋ ونى الاڭداتتى. تومەنگە نەمەسە جان-جاعىنا قاراعان سايىن كوزىندە شانشۋ پايدا بولدى.
"العاشىندا مۇنى جۇمىستان كوردىم. ماركەتينگ سالاسىندا ىستەيمىن، كۇنى بويى كومپيۋتەرگە قاراپ وتىرامىن"، – دەيدى ول.
كوپ ۇزاماي كورۋى ناشارلاپ، تۇستەر دۇرىس كورىنبەي باستادى. اماندا وفتالمولوگقا بارىپ، مرت جاساتتى. دارىگەرلەر وعان "ەنجار سكلەروز" دياگنوزىن قويدى.
اۋرۋ تۋرالى
ەنجار سكلەروز - ميدى، جۇلىندى جانە كورۋ جۇيكەسىن زاقىمدايتىن سوزىلمالى اۋتويممۋن دەرت. ونى تولىق ەمدەيتىن ءادىس جوق، ءبىراق دۇرىس تەراپيا اسقىنۋدى ازايتىپ، ءومىر ساپاسىن جاقسارتا الادى.
ءومىرىن وزگەرتكەن دياگنوز
باسىندا اماندا بۇل دياگنوزعا سەنە المادى. ونىڭ اناسى دا ءدال وسى دەرتپەن اۋىرادى. دياگنوزدى راستاۋ ءۇشىن ول بىرنەشە دارىگەرگە قارالدى.
ءقازىر بۇل وقيعادان جەتى جىل ءوتتى. اماندا اۋرۋىمەن ءومىر ءسۇرۋدى ۇيرەنگەنىن ايتادى.
"قيىن كۇندەر بولادى، ءبىراق مەن وزىمە قۋانىش سىيلايتىن نارسەلەرگە نازار اۋدارامىن: بەلسەندى بولامىن، ادامدارمەن سويلەسەمىن، تاجىريبەمدى بولىسەمىن".
ول ءومىر سالتىن دا وزگەرتتى: كۇن سايىن جاياۋ جۇرەدى، دۇرىس تاماقتانادى، ۇيقىسىن رەتتەدى. ءقازىر اماندا الەۋمەتتىك جەلىلەردە ءوزىنىڭ وقيعاسىن ايتىپ، باسقا ادامدارعا موتيۆاسيا بەرەدى.
كوز شارشاماۋ ءۇشىن نە ىستەۋ كەرەك؟
1. 20-20-20 ەرەجەسى
ءار 20 مينۋت سايىن 20 سەكۋندقا 6 مەتر قاشىققا قارا. بۇل كوز بۇلشىقەتتەرىن بوساڭسىتادى.
2. كوزدى اينالدىرۋ جاتتىعۋى
-
كوزىڭدى ساعات تىلىمەن 5 رەت اينالدىر.
-
كەيىن ساعات تىلىنە قارسى 5 رەت اينالدىر.
3. الاقانمەن جابۋ (پالمينگ)
-
قولىڭدى جىلىتىپ، كوزىڭدى الاقانىڭمەن جاۋىپ، 1-2 مينۋت قاراڭعىدا وتىر.
4. كوزدى ءبىر نۇكتەدەن الىسقا اكەتۋ
-
تەرەزەدەن سىرتقا قاراپ، الىستاعى زاتقا 3-5 سەكۋند قارا.
-
سوسىن جاقىن زاتقا 3-5 سەكۋند قارا. 5-10 رەت قايتالا.
5. كوزدى ءجيى جىپىلىقتاتۋ
مونيتورعا قاراعاندا جىپىلىقتاۋدى ۇمىتىپ كەتەمىز. ادەيىلەپ ءجيى جىپىلىقتا كوزدىڭ قۇرعاۋىن ازايتادى.
6. ءۇزىلىس جاساۋ
كوزگە ەڭ جاقسى جاتتىعۋ – ءار ساعات سايىن 5 مينۋتقا مونيتوردان مۇلدە قاراماي دەمالۋ.