قازاقستاندىق لوۋكوستەر FlyArystan جولاۋشىلارعا ارنالعان دەربەس قىزمەت كورسەتۋ مۇمكىندىكتەرى كەڭەيتىلگەن ءموبيلدى قوسىمشاسىنىڭ جاڭارتىلعان نۇسقاسىن ۇسىنادى.
جاڭارتۋلاردىڭ كومەگىمەن ۇشۋ الدىنداعى دايىندىق بۇرىنعىدان دا جەڭىل، جىلدام ءارى تۇسىنىكتى بولا ءتۇستى. نەگىزگى وزگەرىستەر قاتارىندا:
جاڭارتىلعان ونلاين تىركەۋ
رەيس پەن جولاۋشىلاردى تاڭداۋ ەندى ءبىر بەتتە بىرىكتىرىلگەن. سونىمەن قاتار، ونلاين تىركەۋ كەزىندە سابيلەر بىردەن اتا-اناسىنا قوسا تىركەلەدى.
بۇرىن راسىمدەلگەن برونعا ءسابيدى قوسۋ مۇمكىندىگى
«مەنىڭ ساپارلارىم» بولىمىندە جاڭا «ءسابيدى قوسۋ» قىزمەتى پايدا بولدى. ەگەر جولاۋشى ەرەجەلەردى بىلمەي نەمەسە بيلەت ساتىپ الۋ كەزىندە ءسابيدى كورسەتپەسە، ەندى ول 2 جاسقا دەيىنگى بالالارىن بايلانىس ورتالىعىنا جۇگىنبەي-اق راسىمدەلگەن برونعا وزدىگىنەن قوسا الادى.
بۇل مۇمكىندىك ونلاين تىركەۋ باستالعانعا دەيىن عانا قولجەتىمدى. ەگەر تىركەۋدەن وتكەن بولسا، ونى كەرى جويىپ، ءسابيدى برونعا قوسىپ، سودان سوڭ، بارلىق جولاۋشىلاردى، ونىڭ ىشىندە بالانى قوسا، قايتادان تىركەۋدەن ءوتۋ قاجەت.
اۋەكومپانياسى ۇشۋ قاۋىپسىزدىگى تالاپتارىنا سايكەس ءاربىر ءسابي ءۇشىن (ورىنسىز بولسا دا) جەكە بيلەت راسىمدەلەتىنىن ەسكە سالادى. بۇل قىزمەت تەگىن جانە بالالارىمەن ساياحاتتايتىن وتباسىلاردىڭ دايىندىعىن ايتارلىقتاي جەڭىلدەتەدى.
وتىرعىزۋ تالوندارىن باسقارۋ
ونلاين تىركەۋدەن كەيىن جولاۋشىلار ءموبيلدى قوسىمشا ارقىلى وتىرعىزۋ تالونىن بىرنەشە تاسىلمەن جۇكتەي الادى: ءموبيلدى قۇرىلعى گالەرەياسىنا ساقتاۋ نەمەسە Apple Wallet-كە قوسۋ (iOS قولدانۋشىلارى ءۇشىن). بۇعان قوسا، تالون اۆتوماتتى تۇردە قوسىمشادا ساقتالادى جانە ول بەلسەندى بولعانشا «قىزمەتتەر» بولىمىندە جۇيەگە كىرمەي-اق دا قولجەتىمدى بولادى. وتىرعىزۋ تالونىن باسىپ شىعارۋدىڭ قاجەتى جوق – تەلەفونداعى ەلەكتروندى نۇسقاسى جەتكىلىكتى.
برونداۋ كەزىندە پروموكود قولدانۋ
تولەم الدىندا پروموكود ەنگىزۋ مۇمكىندىگى قوسىلدى. بۇل جولاۋشىلارعا ارنايى ۇسىنىستاردى قوسىمشا ىشىنەن-اق پايدالانۋعا مۇمكىندىك بەرەدى. قىزمەت ءار ناۋقاننىڭ شارتتارىنا سايكەس جولاۋشىلار سانى مەن جاسىنا بايلانىستى يكەمدى تەكسەرۋ ەرەجەلەرىن قولدايدى.
ەندى FlyArystan جولاۋشىلارى پروموكودتى تەك اۋەكومپانياسىنىڭ سايتىندا عانا ەمەس، ءموبيلدى قوسىمشادا دا قولدانا الادى. مىسالى، 2025 جىلعى 28 قىركۇيەكتە وتەتىن Almaty Marathon جانە 26 قازانداعى Turkistan Marathon جۇگىرۋ جوبالارىنا بيلەت ساتىپ العاندا 30% جەڭىلدىك الۋعا بولادى. پروموكودتى مارافون ۇيىمداستىرۋشىلارى تىركەۋدەن وتكەننەن كەيىن ۇسىنادى، ال ساپار جارىسقا دەيىنگى جانە كەيىنگى ەكى كۇن ىشىندە جوسپارلانۋى ءتيىس.
جاڭا مۇمكىندىكتەرمەن قاتار، سوڭعى جاڭارتۋدا قوسىمشانىڭ تيىمدىلىگىن ارتتىرۋعا دا باسا نازار اۋدارىلدى.
بارلىق قىزمەتتەردى تولىق پايدالانۋ ءۇشىن ءموبيلدى قوسىمشادا تىركەلىپ، جەكە كابينەتكە كىرۋ ءوتۋ قاجەت.
FlyArystan تۋرالى:
FlyArystan – Air Astana توبىنىڭ 100% ەنشىلەس كومپانياسى بولىپ تابىلاتىن قازاقستاندىق لوۋكوستەر. ول ءوز قىزمەتىن 2019 جىلدىڭ مامىر ايىندا باستادى. 2025 جىلدىڭ قاڭتار ايىنان باستاپ FlyArystan ءوز سەرتيفيكاتىمەن، FS كودى بويىنشا تاۋەلسىز اۋەكومپانيا رەتىندە قىزمەت كورسەتۋدە. اۋەكومپانيا الماتى، استانا جانە اقتاۋ قالالارىندا ورنالاسقان بازالارىنداعى زاماناۋي A320 ۇشاقتارىنان قۇرالعان اۋە پاركىمەن كەڭ اۋقىمدى مارشرۋتتار جەلىسى بويىنشا رەيستەر ورىندايدى. FlyArystan مارشرۋتتار جەلىسى ىشكى جانە حالىقارالىق رەيستەردى، سونداي-اق چارتەرلىك باعىتتاردى قامتيدى. FlyArystan 2023، 2024 جانە 2025 جىلدارى ءۇش رەت Skytrax World Airline Awards تاراپىنان ورتالىق ازيا جانە تمد-نىڭ ەڭ ۇزدىك بيۋدجەتتىك اۋەكومپانياسى دەپ تانىلدى.