الماتىدا دۇنيەجۇزىلىك ازاماتتىق قورعانىس كۇنىنە وراي كورمە ۇيىمداستىرىلدى، دەپ حابارلايدى aqshamnews.kz
دۇنيەجۇزىلىك ازاماتتىق قورعانىس كۇنىنە ارنالعان ءىس-شارالار اياسىندا الماتى قالاسىنىڭ توتەنشە جاعدايلار دەپارتامەنتى الماتى قالاسىنىڭ قۇتقارۋ قىزمەتىمەن جانە ق ر تجم اۋماقتىق بولىمشەلەرىمەن بىرگە «استانا» الاڭىندا ءورت ءسوندىرۋ، قۇتقارۋ جانە باسقا دا ارنايى قۇرال-جابدىقتاردىڭ كورمەسىن وتكىزدى.
كورمەگە كەلگەن الماتىلىقتار قالانىڭ اۆاريالىق-قۇتقارۋ كۇشتەرىنىڭ مۇمكىندىكتەرىمەن، قۇتقارۋ جانە مەديسينالىق تەحنيكا مەن جابدىقتارىمەن تانىستى. سونداي-اق الاڭدا مەديسينا قىزمەتكەرلەرى ماستەر-كلاسس وتكىزىپ، اشىق تۇردە دەنە جاراقاتتارى بار ادامدارعا قالاي كومەك كورسەتىلەتىنىن كورسەتتى.
- دەمونستراسيالىق كورمە - ازاماتتىق قورعاۋ جانە قاۋىپسىزدىك مادەنيەتىن قالىپتاستىرۋ سالاسىنداعى ءبىلىمدى ناسيحاتتاۋ ماقساتىندا ۇيىمداستىرىلادى، سونداي-اق قالا تۇرعىندارىن قۇتقارۋ قىزمەتتەرى مەن قۇرالىمداردىڭ مۇمكىندىكتەرىمەن تانىستىرۋ ءۇشىن وتكىزىلەدى، - دەدى كورمە ۇيىمداستىرۋشىلارى.
الاڭدا جەر سىلكىنىستەرىنىڭ سيمۋلياتورى قويىلدى. بۇل قۇرىلعى جەر سىلكىنىسىنىڭ كولدەنەڭ جانە تىك دۇمپۋلەرىن ۇقساتاتىن ءۇي بولمەسىنىڭ ماكەتىندە كورسەتىلگەن. وعان قوسا، قالا تۇرعىندارى مەن قوناقتارى 90 مەتر بيىكتىكتەن ادامداردى قۇتقارۋعا ارنالعان قازاقستانداعى ەڭ بيىك كوتەرگىشتى تاماشالاي الدى.
ايتا كەتەيىك، حالىقارالىق ازاماتتىق قورعانىس ۇيىمى (حاقۇ) باس اسسامبلەياسىنىڭ شەشىمىمەن 1990 جىلدان باستاپ 1 ناۋرىز كۇنى دۇنيەجۇزىلىك ازاماتتىق قورعانىس كۇنى بولىپ اتاپ وتەدى. قازاقستان رەسپۋبليكاسى 1996 جىلى حاقۇ مۇشەلىگىنە كىرىپ، حالىقتى، اۋماقتى جانە شارۋاشىلىق جۇرگىزۋ وبەكتىلەردى تابيعي جانە تەحنوگەندىك سيپاتتاعى توتەنشە جاعدايلاردان قورعاۋ ماسەلەلەرىن شەشۋ بويىنشا حالىقارالىق دەڭگەيدە بەلسەندى ىنتىماقتاستىقتى جۇزەگە اسىرادى.