الماتى قالاسىنىڭ دوستىق ۇيىندە “بىرلىك پەن كەلىسىم جولىنداعى 30 جىل” اتتى قازاقستان حالقى اسسامبلەياسىنىڭ قۇرىلعانىنا 30 جىل تولۋىنا وراي مەموريالدىق تاقتا ورناتىلدى.
ونىڭ اشىلۋى سالتاناتىنا الماتى اكىمىنىڭ ورىنباسارى ازامات قالدىبەكوۆ جانە قازاقستان حالقى اسسامبلەياسىنىڭ مۇشەلەرى قاتىستى، دەپ حابارلايدى aqshamnews.kz
ءىس-شارا بارىسىندا ازامات قالدىبەكوۆ مەملەكەت باسشىسى قاسىم-جومارت توقايەۆتىڭ قۇتتىقتاۋ ءسوزىن وقىدى. سونداي-اق الماتى اكىمدىگىنىڭ اتىنان جينالعان قاۋىمدى مەرەيلى كۇنمەن قۇتتىقتادى.
"1 ناۋرىز - العىس ايتۋ كۇنى ءارى قازاقستان حالقى اسسامبلەياسىنىڭ 30 جىلدىعىن اتاپ وتەتىن كۇن. بۇل ۇيىم ەلىمىزدەگى بەيبىتشىلىك پەن كەلىسىمنىڭ بىرەگەي ينستيتۋتىنا اينالدى. اسسامبلەيا قوعامىمىزدىڭ بىرلىگى مەن نىشانىنا، قازاقستاننىڭ وركەندەۋى مەن تۇراقتىلىعىنىڭ باستى ىرگەتاسىنا اينالدى"، - دەپ اتاپ ءوتتى الماتى اكىمىنىڭ ورىنباسارى.
سونىمەن قاتار ءىس-شارا بارىسىندا قازاقستان حالقى اسسامبلەياسىنىڭ اقساقالدارى شاھار باسشىسىنىڭ اتىنان العىس حاتتارمەن ماراپاتتالدى.
ايتا كەتەيىك، 1995 جىلى 1 ناۋرىز كۇنى قازاقستان حالقى اسسامبلەياسىنىڭ نەگىزى قالانعان بولاتىن.