قازاقستان حالقى اسسامبلەياسىنىڭ وكىلدەرى الماتى قالاسىنىڭ پەريناتالدىق ورتالىعىنا جانە №5 قالالىق پەرزەنتحاناعا بارىپ، جاڭا تۋعان سابيلەردىڭ انالارىن قۇتتىقتادى، دەپ حابارلايدى aqshamnews.kz
ءىس-شارا العىس ايتۋ كۇنى مەن قازاقستان حالقى اسسامبلەياسىنىڭ 30 جىلدىعىنا وراي ءوتتى.
- 1 ناۋرىز - العىس ايتۋ كۇنىندە پەرزەنتحاناداعى انالار مەن دارىگەرلەردى قۇتتىقتاپ، العىس ايتۋعا كەلدىك. بۇل يگى باستاماعا دۇنگەن ەتنومادەني بىرلەستىگى، اۋعان ەتنومادەني بىرلەستىگى جانە قىرعىز ەتنومادەني بىرلەستىگى اتسالىستى. بۇل كەرەمەت ايداعى جاقسى باستامالاردىڭ ءبىرى، - دەدى الماتى قالاسى بويىنشا قحا اقساقالدار كەڭەسىنىڭ ءتوراعاسى بولات وسپانوۆ.
ءىس-شارا بارىسىندا الماتى قالاسىنىڭ پەريناتالدىق ورتالىعى مەن №5 قالالىق پەرزەنتحاناسىندا انا اتانۋ باقىتى بۇيىرعان 20-عا جۋىق اناعا سىيلىقتار تابىستالدى.