ەلىمىزدە كەي كاسىپورىندار جابىلۋى مۇمكىن

بانكتەر وتاندىق كومپانيالارعا نەسيە بەرمەيدى.

اۋىل شارۋاشىلىعىن سۋبسيديالاۋدىڭ تيىمدىلىگى وتە تومەن، گاز باعاسى قىمباتتاعاننىڭ كەسىرىنەن ءبىرقاتار كاسىپورىن جابىلىپ قالۋى مۇمكىن، دەپ حابارلايدى Almaty-akshamy.kz

"AMANAT" پارتياسى بيزنەس-قاۋىمداستىقتاردىڭ جەتەكشىلەرىمەن كەڭەس وتكىزىپ وسىنداي وزەكتى ماسەلەلەردى تالقىلادى. كاسىپكەرلەر جۇمىس بارىسىندا كەدەرگى كەلتىرەتىن بۇدان وزگە تۇيتكىلدەردى كوتەردى. ماسەلەن قوسىلعان قۇن سالىعىنىڭ كوتەرىلۋى جاپپاي قىمباتشىلىققا الىپ كەلۋى مۇمكىن.

بۇل بيزنەس وكىلدەرىمەن قاتار حالىققا دا اۋىر تيەدى. پارتيالىقتار پروبلەمالاردى زەرتتەپ، ەڭ وزەكتىلەرىن ۇكىمەت دەڭگەيىندە كوتەرەتىندەرىن ايتتى.

"ۇيلەستىرۋ جۇمىستارىنىڭ مۇلدە جوق ەكەنىن كورىپ وتىرمىن. اتامەكەن ءبىر سۇراقتى كوتەرەدى. ول ماسەلە مينيسترلىكتە دە، بىزدە دە قوزعالادى. سوندىقتان بىرلەسە جۇمىس ىستەۋ كەرەك دەپ ەسەپتەيمىن. بۇگىن ايتىلعان ماسەلەلەردى كوپشىلىكتىڭ سۇراۋى دەپ قابىلداۋىمىز كەرەك. سوندىقتان پروبلەمالاردى ءبىزدىڭ پارتيانىڭ الاڭىندا شەشۋدى ۇسىنامىن."، دەدى ق ر پارلامەنتى ءماجىلىسىنىڭ دەپۋتاتى، "Amanat" فراكسياسىنىڭ جەتەكشىسى ەلنۇر بەيسەنبايەۆ.