«ۇلتتىق ۇلان» ءان-بي ءانسامبلىنىڭ كونسەرتى ءوتتى.
قازاقستان رەسپۋبليكاسى ىشكى ىستەر مينيسترلىگى مەن ۇلتتىق ۇلاننىڭ اقپاراتتىق-ناسيحاتتىق توبى ەلىمىزدىڭ بىرنەشە ءوڭىرى بويىنشا رەسپۋبليكالىق تۋر وتكىزۋدە، دەپ حابارلايدى Almaty-akshamy.kz
2 قازانعا دەيىن جالعاساتىن بۇل ساپاردىڭ نەگىزگى ماقساتى – اسكەري قىزمەتشىلەر مەن ءوڭىر ازاماتتارىنا قازاقستان رەسپۋبليكاسى پرەزيدەنتىنىڭ «ادىلەتتى مەملەكەت. ءبىرتۇتاس ۇلت. بەرەكەلى قوعام» جولداۋىن جانە ەلىمىزدىڭ تاۋەلسىزدىك جىلدارىنداعى جەتىستىكتەرىن ناسيحاتتاۋ. اسكەري قىزمەتشىلەر مەن ازاماتتىق جاستاردى قازاقستاندىق پاتريوتيزم جانە كونستيتۋسيالىق بورىشقا ادالدىق رۋحىندا تاربيەلەۋ، ىشكى ىستەر ورگاندارى مەن ۇلتتىق ۇلاننىڭ ءيميدجىن نىعايتۋ، ازاماتتاردىڭ ىشكى ىستەر ورگاندارى قىزمەتكەرلەرى مەن اسكەري قىزمەتشىلەرگە، ولار ورىندايتىن قىزمەتتىك-جاۋىنگەرلىك مىندەتتەرگە دەگەن وڭ كوزقاراسىن قالىپتاستىرۋعا باعىتتالعان ءىس-شارالاردى وتكىزۋ.
الماتى قالاسىندا حالىق قاھارمانى، پولكوۆنيك قايرات ۇمبەتوۆ باسشىلىق جاسايتىن اقپاراتتىق-ناسيحات توبىنىڭ «قازاقستان رەسپۋبليكاسىنا قىزمەت ەتەمىن!» ۇرانى اياسىنداعى ءىس-شاراسى بولىپ ءوتتى. ەندى تالدىقورعان، قونايەۆ، تاراز قالالارىندا وتكىزۋ جوسپارلانعان.
«الاتاۋ» ءداستۇرلى ونەر تەاترىندا وتكەن «ۇلتتىق ۇلان» ءان-بي ءانسامبلىنىڭ گالا-كونسەرتىن كۇشتىك قۇرىلىمدار، كوميتەتتەر، دەپارتامەنتتەردىڭ قىزمەتكەرلەرى، ارداگەرلەر، ب ا ق وكىلدەرى، اسكەري قىزمەتشىلەر مەن ولاردىڭ وتباسى مۇشەلەرى، سونداي-اق قالا تۇرعىندارى مەن قوناقتارى تاماشالادى.
قازاقستان رەسپۋبليكاسى ىشكى ىستەر مينيسترلىگىنىڭ باستاماسىمەن ۇلتتىق ۇلاننىڭ اقپاراتتىق-ناسيحاتتىق توبى مەن ءان-بي ءانسامبلى شارا بارىسىندا ۇلى وتان سوعىسىنىڭ ارداگەرلەرى جانە تىل ەڭبەككەرلەرىمەن كەزدەسىپ، 28 گۆاردياشىل-پانفيلوۆشىلار ەسكرتكىشىنە گۇل شوقتارىن قويدى.
نەگىزى، اسكەرگە شاقىرىلۋعا دەيىنگى جاستارمەن اسكەري قىزمەتتىڭ بەدەلىن جانە وتان قورعاۋشىنىڭ ءيميدجىن كوتەرۋ تۋرالى اڭگىمەلەسۋلەر جوسپارلانعان. سونىمەن قاتار، ءوڭىر تۇرعىندارىنا ارناپ قازاقستان رەسپۋبليكاسى ۇلتتىق ۇلانىنىڭ ءان-بي ءانسامبلى ەلدىك پەن حالىقتار دوستىعى تاقىرىبىندا، جاستاردى ءوز وتانىن سۇيۋگە، اسكەري ءومىردىڭ يگى داستۇرلەرى مەن ۇرپاقتار ساباقتاستىعىن دارىپتەۋگە شاقىراتىن كونسەرتتىك باعدارلامالارىن ۇسىنادى. كونسەرتتىك باعدارلامادا عايني جۇماشيەۆا، نۇرسۇلتان قارابالييەۆ، ەراسىل بوزايەۆ، ساكەن ءالىمحانوۆ، دەنيس ياكوۆليەۆ، ديحان يلياشيەۆ، نۇرسۇلتان ەرالين، ايگەرىم مولديبايەۆا، باۋىرجان باقىتبەكوۆ سىندى ەڭبەك سىڭىرگەن ونەر قايراتكەرلەرى مەن حالىقارالىق بايقاۋلاردىڭ لاۋرەاتتارى ونەر كورسەتەدى.
شاراعا كۇشتىك قۇرىلىمدار، كوميتەتتەر، دەپارتامەنتتەردىڭ قىزمەتكەرلەرى، ارداگەرلەر، ب ا ق وكىلدەرى، اسكەري قىزمەتشىلەر مەن ولاردىڭ وتباسى مۇشەلەرى، سونداي-اق قالا تۇرعىندارى مەن قوناقتارى شاقىرىلعان.